.: Bina :.

að blogga

2010-09-03T13:55:00.001+02:00

Jæja, þá er ég að gæla við að byrja að blogga aftur, veit samt eki hvort mér takist að láta verða af því...........

Pabbi

2010-04-18T10:46:00.002+02:00

já pabbi kallinn var í fréttum á CNN í nótt!

Getið séð videoið hérna.

Erum enn á lífi!

2010-03-24T12:29:00.013+01:00

Já við erum hérna ennþá :)

Datt í hug að henda inn eins og einu bloggi og í leiðinni sjá hvort það séu enn einhverjir sem kíkja hingað inn :)

Síðan seinast er mikið búið að gerast, við skruppum heim um jólin og

stoppuðum auðvitað í Lundi á leiðinni heim og héldum lítil jól saman með þeim þar sem við elduðum íslenskt lambalæri með sykurbrúnuðum kartöflum og allt sem tilheyrir :)

Nutum svo jólanna með fjölskyldunni og stússuðumst í því sem við þurfutm að klára heima á Íslandi fyrir brúðkaupið í sumar því við komum bara heim rétt fyrir brúðkaupið og það var gott að geta klárað allt sem hægt var um jólin :)

Svo komum við heim og ég kláraði starfsnámið mitt á ökla/fót skurðdeildinni hérna í Árósum , en það gekk alveg rosalega vel og ég lærði ekkert smá mikið og fékk bara enn og aftur staðfestingu á því að ég er í rétta náminu :)

Við fengum svo frekar skyndilega nýja íbúð á besta stað í bænum, þannig að á mjög stuttum tíma pökkuðum við niður öllu dótinu okkar og fluttum í 3 herbergja, 90 m2 íbúð á jarðhæð í hverfinu sem okkur langaði mest til að flytja í :) þannig við getum ekki verið annað en sátt við að hafa fengið þessa íbúð :) og núna eftir að hafa búið hérna í 2 mánuði þá erum við loksins búin að koma okkur fyrir og gætum ekki verið ánægðari með þetta allt saman :)

Svo þegar við vorum nýflutt inn, bara strax daginn eftir þá komum mamma, pabbi, Gummi og Gréta í hei msókn til okkar og við nutum þess að vera öll saman heila helgi, það er ekki svo oft sem við erum öll saman :)

Mamma og pabbi voru svo samanlagt í heila 10 daga hjá okkur og það var frábært að hafa þau. Þau hjálpuðu okkur ða koma okkur fyrir og ganga frá gömlu íbúðinni, þannig þetta var alveg frábær tímasetning að fá þau í heimsókn.

En við lofuðum jafnframt að næst þegar þau koma í heimsókn verður meiri hygge og minni vinna ;)

Atli var svo í praktík í fyrirtæki sem heitir Johnsons control og í framhaldi af því fékk hann vinnu :) þannig að hann er alveg alsæll með að vera komin í vinnu :) Hann er á fullu að vinna yfirvinnu þessa dagana til að safna sér inn tímum til að við getum skroppið til Osló í maí að heimsækja vini okkar.

Annars er bara planið að slaka á í páskafríinu, en við ætlum að fara á miðvikudaginn til Gumma og Grétu og verðum þar fram á annan í páskum :) Gaman að geta haldið páskana saman með fjölskyldumeðlimum :)

jæja þetta ætti að vera nóg update :) en ætla svo að reyna að vera dugleg að blogga :)

4 ár :)

2009-11-01T00:01:00.003+01:00

Já í dag eigum við Atli 4 ára afmæli :) við erum búin að gera mikið og upplifa mikið saman á þessum 4 árum :) við er búin að trúlofa okkur og erum að fara að gifta okkur næsta sumar :)

Við erum búin að ferðast heilmikið saman, allt frá því að fara saman á Hróaskeldu til að fara saman til Tælands og Ástralíu :)
Svo byrjuðum við að búa saman og fluttum til Danmerkur þar sem það er búið að fara vel um okkur í rúm 2 ár :)

Saman erum við búin að ferðast um Danmörku að skoða umhverfið í kringum okkur, við höfum þó sérstakt dálæti á Himmelbjerget :)

Við erum búin að fagna saman áföngum eins og B.A. prófinu og Masternum hans Atla :)

Og fyrst og fremst erum við bestu vinir sem að geta hlegið alveg endalaust mikið af vitleysunni í hvor öðru :)
Hvernig getur maður annað en hlakkað til framtíðarinnar með besta vini sínum?

Nýjasti fjölskyldumeðlimurinn okkar

2009-10-05T20:16:00.004+02:00

Já það hefur orðið aukning á heimilinu okkar.....við keyptum okkur nefnilega hamstur, eða réttara sagt síberískan dverghamstur. Við erum að verða búin að eiga hana Rassmínu Svövu í að verða mánuð, og hún dafnar bara vel hjá okkur og er yfirmáta ofvirk og átvagl. En við skemmtum okkur konunglega yfir litla skottinu :)

Loksins lífsmark!

2009-09-30T08:42:00.005+02:00

Já það er nú bara búið að vera svo mikið að gera hjá mér síðan að skólinn byrjaði að ég er varla búin að hafa tíma til að koma upp og anda! Og það er ekkert að fara að róast....en einhver vitur sagði nú að það er betra að hafa of mikið að gera en of lítið. En ég er sem sagt núna að klára bóklega hlutann fyrir fyrsta starfsnámið inni á spítala...og það er mikið sem að við þurfum að komast yfir áður en að við förum út að "vinna". En þar sem að við erum að læra erfðafræði núna, og það er verið að útskýra meiósu fyrir stelpunum þá ákvað ég að taka pínu pásu og blogga aðeins.

Atli er á fullu að sækja um vinnur þessa dagana, og verður spennandi að sjá hvað kemur út úr því sem hann nú þegar er búinn að sækja um. Við leyfum ykkur auðvitað að fylgjast með því ef að eitthvað gott kemur út úr því, annars heldur hann bara áfram að sækja um eins og hann eigi lífið að leysa :)
Og ég læri og læri núna fram að 9. okt, en þá fæ ég viku í frí frá skólanum og ætlum við Atli þá að hygga okkur eitthvað saman :) en þetta verður nú samt ekki alveg frí, þar sem ég þarf að byrja að lesa fyrir próf sem að ég fer í, í byrjun nóvember. En ég ætla nú samt að taka nokkra daga í frí frá lestri þegar Ásta mamma hans Atla og Guðfinna amma hans Atla, koma til okkar í nokkra daga til að vera við útskriftina hans Atla sem er 23. október :)

Svo í byrjun nóvember fer ég inn á bæklunarskurðdeild að læra að vera hjúkrunarfærðingur :) Vonandi verður maður ágætlega undir það búinn, eða allavegana það sem við eigum að leggja áherslu á í þessu starfsnámi. En ég verð inni þeirri deild þangað til í lok jan, og er staðsetning deildarinnar alveg frábær þar sem hún er bara hinu megin við götuna okkar :) þannig að þó að ég þurfi að mæta klukkan 7, eða réttara sagt að vera klædd í gallann og uppi á deild kl. 7, að þá þarf ég ekki að vakna fyrir allar aldir :)

En það besta sem að er búið að gerast síðust daga er það að við erum búin að panta flug heim um jólin :) en við komum heim 18.des og förum heim 5.jan. Þannig að við náum góðu stoppi heima :) er ekkert smá kát með það, en það verður þá 3. ferð okkar heim í ár....held þær verði aðeins færri á næsta ári í staðinn ;)

En jæja ég læt þetta nægja í bili....

Cand. Mag.

2009-08-26T12:32:00.004+02:00

Já frá og með deginum í dag má Atli titla sig sem Cand. Mag. í evrópufræðum! Til hamingju Atli!

Sumarfríið

2009-07-24T12:36:00.006+02:00

Það er nú búið að vera ljúft hjá mér síðan að ég kláraði prófin. Ég er bara búin að vera að stjana við hann Atla á meðna hann húkir inni í herbergi að skrifa og skrifa, hann er búinn að vera alveg rosalega duglegur að skrifa og núna er bara vika í skil. Atli og pabbi nota tæknina og fara í gegnum ritgerðina saman og erum við dauðfegin að við höfum pabba að til að lesa í gegnum ritgerðina þar sem að hann gerir það 1000 sinnum betur en ég :)

Ég skrapp svo til hennar Önju okkar og hún og Daniel tóku vel á móti mér og áttum við góða 5 daga saman, þar sem að Anja sýndi mér Koblenz og svæðið þar í kring. Afar fallegt svæði og mæli með að þeir sem að geta fari og heimsækji Koblenz, það skemmir svo ekki fyrir að hún Anja skulu vera þar líka :)

Annars er það bara búið að vera rólegheitin hjá okkur, erum búin að kíkja í bíó á nýju Harry Potter myndina "Harry Potter and the halv blood prince", fórum svo líka í dýragarð sem að er ekki langt frá Árósum og heitir Reepark og er rétt hjá Ebeltoft. Mælum með dýragarðinum, vorum alveg heilluð af honum og skemmtum okkur mjög vel með vinum okkar Tine og Rasmus. Kíktum líka inn í Ebeltoft og það er mjög sætur bær og er fullur af lífi svona yfir hásumarið. Erum svo búin að vera að borða með vinum okkar og njóta þess að fólk hafi tíma til að hittast, og við höfum haft tíma til þess þar sem Atli er svo duglegur að skrifa á daginn að hann getur tekið frí á kvöldin og átt hygge kvöld með mér :) og jafnvel inn á milli hefur hann geta farið með mér á ströndina :)

Svo er það bara vika í að við komum heim til Íslands! En við komum heim á laugardaginn um næstu helgi, lendum bara klukkan 9 um morgunin þannig að það er heldur betur farið að styttast í þetta :) við hlökkum mjög mikið til að koma heim og æltum að njóta þess að vera í sumarfríi saman. En við höfum ekki átt sumarfrí saman á Íslandi síðan að við byrjðum saman, þannig að þess verður svo sannarlega notið....en það mikilvægasta við að koma heim er náttúrulega að mæta í brúðkaup í fjölskyldunni :)

Hlökkum til að sjá ykkur öll þegar við komum heim í næstu viku og ef að ég blogga ekkert áður enað við komum heim þá verðum við með gömlu íslensku númerin okkar, þannig að það verður auðvelt að ná í okkur. Og í versta falli er alltaf hægt að hringja á Álfhólsveginn, en við gistum auðvitað í íbúðinni okkar þar :) en þangað til verður notið þess að vera í Árósum í afsleppelsi :)

Afmælisbarn gærdagsins

2009-07-16T15:57:00.003+02:00

Vegna anna í gær náði ég ekki að blogga um afmælisbarn gærdagsins.....

En hann Atli minn varð 27 ára í gær og héldum við saman upp á það bara tvö....Atli fékk 2 afmæliskökur, eina skúffuköku og súkkulaðiostaköku sem að við erum enn að borða, svo fékk hann alveg heilan helling af góðum gjöfum og svo til að toppa daginn hafið mamma og pabbi látið koma með lambakjöt handa okkur til að njóta í tilefni dagsins og það var svo sannarlega gert.
Atli fékk sólskin þannig að á danska mátan þýðir það að hann hafi verið stilltur og prúður drengur síðast liðið ár. En ekki nóg með það að þá kom þessi rosalega mikla rigning og þrumur og eldingar...það gladdi minn mann afar mikið :)

En þetta var hin besti dagur í alla staði og nutum við hans saman :)

Próf

2009-06-23T11:23:00.002+02:00

já er ekki kominn tími á prófablogg. Er búin að sitja í nokkra daga á sófanum og vera að lesa mér til fyrir próf í líffærafræði, lífeðlisfræði, hjúkrun og iðjuþjálfun. En fer sem sagt í eitt próf úr öllum þessum fögum og á ég að tala í rúmar 3 mín um hvert fag eftir að hafa verið með sýnikennslu á sjúklingi sem að verður leikinn af bekkjarsystur minn :) þannig að það er mikið sem að maður þarf að læra því maður veit ekkert hvað maður kemur til með að draga á fimmtudaginn.

Sólin er að tapa sér hérna í Árósum og ég ætla svo sannarlega ekki að kvarta þó ég sitji inni að læra, því það aldrei gott að kvarta undan sól þegar maður lærir því manni hefnist svo fyrir það þegar maður er búinn og þá rignir á mann. Þannig að ég er ángæð með sólina :)

Prófaljótan er svo sannarlega farin að segja til sín og ég held að íbúðin okkar sé sú sem að sé að líða mest fyrir það, held að hún hafi aldrei verið jafn skítug og illa til tekið í henni síðan að við fluttum. En því verður nú reddað á fimmtudaginn þegar ég er búin í prófum og farin í sumarfrí :)

Atli situr sveittur við að skrifa og fer inn á milli upp í skóla að hitta leiðbeinandan sinn. Hann má bara fá hjálp frá leiðbeinandanum fram til 1.júlí, þannig hann er þvílíkt að nota það núna og reyna að ná svo miklu sem mögulegu til að leiðbeinandinn geti lesið það í gegn. Svo verður júlí notaður til að laga verkefnið til og láta lesa það í gegn og svona. En aðalpunkturinn er að Atli er búinn að vera alveg rosalega duglegur og ég hef enga trú á öðru en að þetta verði mjög flott ritgerð hjá honum sem verður skilað 31. júlí. Við komum svo heim 1.ágúst :)

úff hvað tíminn er fljótur að líða, bara rétt rúmur mánuður í að maður komi heim í sumarfrí :) ég og Atli ætlum sko að njóta þess að vera heima og þurfa ekki að vinna....

jæja bækurnar er að kalla....

Sumarrigning

2009-06-20T12:09:00.002+02:00

Það byrjaði að rigna rétt í þessu og er það bara gott og blessaða...nema hvað að ég var að viðra sængurnar okkar Atla úti á svölum. Hröð handbrögð og ég náði að bjarga sængunum inn, aðeins rökum. Til að byrja með var þetta bara létt rigning en svo bætti heldur betur í hana og ég kíkti út í á svalir til að njóta frjókornafrís lofts. Lít upp í skýjin og viti menn ég sá bara engin ský, sá bara bláan himinn. Alveg merkilegt að það geti ringt og samt verið svona stór hluti af himninum blár :)

Á faraldsfæti

2009-05-27T10:23:00.003+02:00

Já það er alltaf nóg að gera hjá okkur Atla hvort sem það er að læra (sem er alltaf nóg af), hitta góða vini og ferðast til að hitta fjölskylduna. Núna um helgina ætlum við að skella okkur til Gumma og Grétu, þar sem að við erum ekki búin að hitta þau mjög lengi, sérstaklega Grétu. Við ætlum að leigja okkur bíl saman og ætla Gummi og Gréta að sýna okkur eitthvað skemmtilegt í kringum Lund :) verður ábyggilega mikið fjör!

Svo er ekki beint afslappelsi helgina eftir því að við ætlum að skella okkur til London og sjá Tryggva í leikriti. Ég var nefnilega að spjalla við Tryggva um daginn og við vorum eitthvað að tala um hvort við vildum koma og sjá hann í leikritinu og það vildum við auðvita en ég átti ekki von á því að fá flug á sanngjörnu verði með svona stuttum fyrirvara, en ég fór nú samt inn á Ryanair til að kanna verðið og viti menn þá var flug í boðið báðar leiðir og fyrir okkur bæði á samanlangt 250 danskar krónur! Mín hringdi í Atla og tilkynnti honum að við værum að fara að heimsækja bróður hans :)

Þannig að það er alveg nóg að gera hjá okkur samhliða skólanum!
En þetta er ekki það eina sem er í fréttum. Við Atli vissum að það væri gjöf á leiðinni til okkar frá fólkinu hans Atla í Ástralíu því að vinur tengdasonar þeirrra sem vill svo vel til að er frá Árósum var í heimsókn hjá þeim og átti að taka pakka með hana okkur. Hann hringdi í okkur í fyrradag og spurði hvort við gætum hitt hann til að ná í gjöfina og kannski sest niður með okkur við ánna og fengið okkur eins og einn bjór með honum. Við ákvöðum að skella okkur niður í bæ og hitta hann og svo þegar við löbbum meðfram ánni fer ég að ofanda og benda fram fyrir okkur og Atli greyið sá ekkert gleraugnarlaus.....viti menn situr ekki öll fjölskyldan frá Ástralíu að fá sér hádegismat við ánna! ég varð vægast sagt orðlaus og við hættum ekki að brosa allan daginn eftir þessa góðu endurfundi :)

En það er þannig að Kelly "systir" Atla á kærasta héðan frá Árósum og pabbi hans er að verð 60 ára um helgina þannig að þau eru komin hingað, foreldrarnir og Kelly til að vera í veislunni! held ég sé ekki enn búin að jafna mig eftir sjokkið og á dauða mínum hefði ég frekar átt von á en að hitta Ástralíu búana okkar:)

læt svo eina sumarmynd af Atla að grilla fylgja með svo þetta verði nú ekki myndalaust blogg :)

2009-05-03T17:09:00.006+02:00

Jæja er ekki komin eins og tími á eitt blogg frá okkur hérna í Árósum. Það hefur verið nóg að gera hjá okkur síðan í seinasta bloggi og erum við búin að fá heimsókn og fara sjálf í heimsókn heim til Íslands, ég er búin að fara í lokapróf og svo er sumarið komið!

Ásta mamma hans Atla, amma hans hún Guðfinna, Eyjólfur Árni frændi hans og Sigurborg móðursystir hans Atla komu í heimsókn til okkar og var ægilega huggulegt að fá heimsókn að heima eins og alltaf og eyddum við góðri langri helgi með gestunum og sýndum þeim Árósa eins og við gátum.

Svo fór ég í viku starfsnám inn á Skejby sjúkrahús og það inn á hjartalyflækningardeild. Það var mjög spennandi og ég lærði mjög mikið. Ég fer sov aftur inn á þessa deild í nóvember og verð þá í 10 vikur inni á þessari deild. Þannig að eins og þið sjáið þá er skólin búinn að fara ansi geyst af stað hjá mér en er samt sem áður búið að vera mjög gaman þrátt yfrir mikið að lesa. Næstu 10 vikurnar verð ég svo í mikilli verklegri kennslu til að undirbúa okkur undir verklegt próf sem að ég á að fara í í júní.

Í byrjun apríl fórum við svo heim til Íslands til að birtast óvænt í afmæli pabba hans Atla og heppnaðist það vel og kallinn grunaði ekkert og varð rosalega hissa. Ég var á fullu í prófalestri og Atli í heimildaröflun fyrir ritgerðina sína þannig að það fór nú ekki sérlega mikið fyrir okkur heima. Ég endaði svo á því að verða veik á skírdag, með hita og leiðindi og var veik í næstum því 10 daga! Þannig að við hittum nú lítið af fólki á meðan við vorum heima annað en fjölskylduna.

Þegar við komum svo aftur til DK þá var komið svona rosalega gott veður að þetta hefur verið eins og hinir bestu sumardagar og við erum búin að reyna að njóta þeirra eins og við getum þrátt fyrir að hafa rosalega mikið að gera.
Við erum á fullu í skólanum og Atli er duglegur við að skrifa og stelst til að sitja heima og skrifa úti í garði þegar veðrið er gott og er hann bara farin að taka ágætis lit :)

Grill seasonið heldur áfram hjá okkur enda hefur því ekki lokið síðan seinasta sumar. Við erum einu sinni búin að leggja á borð úti í garði og haldið þið ekki að meðan við litum af borðinu að þá fengum við máv í heimsókn á borðið! Hann var þá hrakin í burtu en hann var ekki langt frá allan matartímann og fylgdist vel með okkur.

Túlípanalaukarnir sem Atli kom með frá Hollandi handa mér eru núna í blóma og erum í allskonar litum og lífga mikið upp á hjá okkur á svölunum. Við lifum sem sagt í drauma heimi og dreymir að við eigum garð og reynum að rækta allt sem að við getum :) svo jöplum við á jarðaberjum sem að eru byrjuð að lækka í verði og dreymum um okkar eigin jarðaberja rækt. En annars gaf Atli mér hina sniðugustu bók í sumargjöf en það er bók um öll tré í Skandinavíu og nú er bara tími til komin að ég og Atli förum í göngutúr út í skóg og lærum hvað tréin hérna heita :)

jæja ég læt þetta nægja í bili svo að það verði nú einhver sem að nennir að lesa allan póstin og reyni svo að henda inn fleiri fréttum fljótlega :)

Alltaf í símanum

2009-03-17T13:40:00.003+01:00

Mér finnst fólk tala ansi mikið í síma og ég geri það nú mikið sjálf þó mest af því sé nú í gegnum tölvuna. Mér finnst það líka vera ansi oft að fólki finnist alveg meira en sjálfsagt að svara alltaf í símann í vinnu og skólanum, fer þá jafn vel úr tíma til að tala í símann, ég skil það mjög vel ef að maður á von á afar mikilvægu símtali að maðuar geri það en ekki bara þegar kærastinn er að velta því fyrir sér hvað eigi að vera í kvöldmatinn.

Ég varð sem sagt vitni af því í dag að maður sem að var að gera við hluti í eldhúsinu mínu ákvað að svara ekki símanum sínum þegar hann hringdi og hafði orð á því hvað fólk væri ótilitsamt og hvort það gerði sér ekki grein fyrir að maður væri í vinnu og gæti ekki verið að tala í símann. Þetta kom mér afar á óvart að maðurinn tók ekki símann og í þokkabót var hann hneykslaður á trufluninni.

Finnst að fleiri ættu að taka sér þetta til fyrirmyndar og ekki vera svona rosalega háðir símunum sínum :)

Vor í lofti!

2009-03-13T22:41:00.002+01:00

Já það er svo sannarlega vor í lofti hjá okkur í Århus. Þegar Atli kom heim frá Hollandi í október þá færði hann mér þessa fínu túlípanalauka sem að við settum svo í mold og út á svalir. Núna eru 7 af þeim byrjaðir stinga sér upp úr moldinni okkar til mikillar ánægju :) Svo var ég að labba úti áðan og þrátt fyrir að klukkan sé orðin meira en 10 þá var bara ekki orðið kalt úti og farið að vera öðruvísi lykt úti, svona vor lykt :)

Ég og Atli erum mjög kát yfir því að vorið sé að koma og er alveg glimrandi veðurspá um helgina og við ætlum að reyna að njóta þess eins og við getum :)

Heimsóknir

2009-03-04T16:56:00.002+01:00

Já við erum að fá fólk í heimsókn og við hlökkum ekkert smá til! Ásta mamma hans Atla, Guðfinna Amma hans og Eyjólfur Árni frændi hans eru að koma á morgun og svo kemur Sigurborg móðursystir hans á föstudaginn! Þetta verður án efa mikið fjör og mikið gaman að fá þessa hersingu til okkar en við erum ekki búin að sjá þau öll sömul síðan í ágúst í fyrra.
Þannig að það er búið að vera nóg að gera hjá okkur að undirbúa komu þeirra og teljum niður þangað til um klukkan 5 á morgun :)

Annars er bara rugl mikið að gera í skólanum, en þetta er spennandi þannig það gerir nú ekki mikið til. Eftir 2 vikur fer ég svo í viku starfsnám inn á spítala og ég er búin að fá að vita að ég fer inn á hjartalyflækningardeild sem er líka gjörgæsludeild fyrir hjarta- og heilablóðfallssjúklinga! Þannig að ég efast ekki um að það verði alveg rosalega lærdómsríkt að komast út og hitta sjúklinga og starfsfólk á spítalanum, en ég verð sem sagt á Skejby sygehus sem er hluti af Århus universitets hospital. Þetta er svo jafnframt sú deild sem að ég verð í 10 vikur á frá og með nóvember, þannig að um að gera að nota tíman þessa viku til að kynnast umhverfinu og starfsfólki :)

Atli er enn bara á fullu að skrifa og gengur bara alveg príðilega með það allt sama. Hann situr bæði heima að skrifa og svo á hann skrifborð uppi í skóla og þangað fer hann þegar hann er alveg að verða brjálaður á því að vera einn heima :)

Svo er ég svo heppin að ég eignaðist lítinn frænda í dag og ég vil bara óska Sylvíu frænku og Binna innilega til hamingju með drenginn. Það eru sem sagt alltaf að bætast við kríli sem að maður verður að knús næst þegar maður kemur heim!

Nú heyri ég anatomy bókina mína kalla á mig ég ætla ekki að láta hana bíða lengur þannig að ég læt þetta nægja núna í bili og lofa að vera duglegri að blogga núna, er búin að vera allt of löt við þetta :)

Glandulae suprarenalis

2009-02-16T20:16:00.002+01:00

Þegar ég sat og skrifaði ritgerði í líffræði í MH hjá henni Sigríði hugsaði ég að ég þyrfti nú aldrei að nota vitnesku mína um nýrnahetturnar og hvað þær gera, en maður hlýddi og skrifaði ritgerðina. Og viti menn, í dag kom það bara í ljós að það kom mér heldur betur til góða að vita eitthvað um hormónaframleiðsu og virkni nýrnahettanna. Þannig að ég sit hérna kát við skrifborðið mitt að glósa um hina og þessa hormóna og hvar þeir eru framleiddir og virkni t.d. nýrnahettanna :)

Afmælisbörn vikunnar!

2009-02-08T18:31:00.004+01:00

Já það var fleiri en eitt afmælisbarn í þessari viku og þar sem það var svo mikið að gera hjá mér fyrstu vikuna í skólanum náði ég bara ekki að blogga um það. Mútta átti afmæli 3. og pabbi 5. og ég vil bara enn og aftur óska þeim innilega til hamingju með afmælið og urðu þau árinu yngri en í fyrra :)
Hérna eru afmælisbörnin í heimsókn hjá okkur í Árósum

Hjúkrunarfræði, skipulagning og söngur

2009-02-02T15:44:00.004+01:00

Já núna er ég formlega orðin hjúkrunarfræðinemi og líst bara svona svakalega vel á allt enn sem komið er :) það var sem sagt fyrsti formlegi skóladagurinn í dag þó hann færi nú að mestu bara í kynningu á hinu og þessu. Við fengum að hitta kennarana okkar og svona og velja okkur sæti í stofunni okkar og ég náði akkúrat sæti þar sem að ég vil sitja í stofunni og er alsæl með það og sérstaklega þar sem að sessunautar mínir eru alveg rosalega almennilegar, ekki það reyndar að allar stelpurnar sem að ég er búin að tala við í bekknum eru mjög almennilegar :)

Seinasta föstudag var svona hrista saman bekkinn dagur þannig að þar fékk maður tækifæri til að spjalla alveg heilmikið og þess vegna var dagurinn í dag frekar afslappaður því maður þekkti andlitin og einhver nöfn og svona.

Eftir að hafa verið að lesa þýsku við háskólann í Århus og fylgjast með Atla gera slíkt hið sama, að þá komst ég að þeirri niðurstöðu að hlutirnir eru alveg svakalega óskipulagðir og maður fær alltaf að vita hlutina seint og síðar meir, þ.e. ef að maður fær að vita þá yfir höfuð.
En núna verð ég að taka það til baka að segja að skólar hér séu almennt óskipulagðir eftir að ég byrjaði í hjúkrunarfræðinni!! ég hef bara aldrei upplifað aðra eins skipulagningu. Ég veit núna hvenær ég á að skila verkefnum út önnina og hvað ég á að lesa út önnina, hvenær vorprófin mín eru og allt! Og ekki nóg með það að þá eru allir kennararnir með á hreinu hvenær við eigum að gera hvað í tímum hjá öðrum kennurum! ég bara átti ekki orð yfir þessu, held að pabbi væri mjög hrifin af svona :)

En það var eitt móment sem að ég var við það að hlægja í skólanum í dag en þegar ég leit í kringum mig og sá að allir voru að taka þetta svona rosalega alvarlega varð ég nú að passa mig að hlægja ekki og halda andliti. En það var þannig að 2 kennarar sem að kenna okkur sygepleje komu inn og dreyfðu litlum bókum, sem kom svo í ljós að voru söngbækur og við hófum sem sagt kennslustundina á samsöng um hvernig veturinn væri hér enn og við þyrftum að vera þolinmóð og gefa vorinu tíma til að koma! var mjög rólegt lag og ég var auðvita sú eina sem ekki kunni lagið. En þetta var mjög fyndið móment fyrir mig ég var ekki alveg viss hvort við værum að taka hlutina alvarlega eða ekki, svo eftir samsönginn fórum við að tala um hvernig við þyrftum líka að gefa okkur tíma og vera þolinmóð gagnvart sjálfum okkur. Auðvitað var mikið til í því en ég vissi það ekki þegar við byrjuðum á laginu. En er ansi hrædd um að þetta hafi verið móment sem maður hefur þurft að vera á staðnum til að finnast þetta jafn fyndið og mér fannst þetta.

Annars er allt í góðu hjá okkur og Atli bara að vinna grunnvinnuna fyrir ritgerðina sína og er búinn að fá leiðbeinanda sem hann er að fara að hitta í vikunni og skrifar undir formlegan samning að hann megi byrja á ritgerðinni sinni og fær þá líka skila dag á ritgerðina. Þannig að þetta verður hin mesta lærdómsönn hjá okkur hérna á Kirkegaardsvej.

En heimalærdómur kallar, eins gott að vera á tánum frá fyrsta degi :)

2009

2009-01-15T12:56:00.002+01:00

Já nú er nýja árið gengið í garð. Við Atli áttum alveg frábær jól með mömmu og pabba og frábær áramót með Ísaki og vinum! við getum svo sannarlega ekki kvartað þó við höfum ekki farið heim til Íslands til að fagna styðstu dögum ársins.

2008 var frábært ár hjá okkur, við byrjuðum á því að trúlofa okkur í febrúar, fara til Berlínar í mars, fá Gumma og Grétu í heimsókn í apríl, Rafn, Gerður og Svandís komum svo í maí og við fórum í próf í alveg rosalega góðu veðri og auðvitað þegar við vorum búin í prófum þá fór sólin. En sólin kom aftur þegar við fórum yfir til Lundar og þaðan á Hróaskeldu. Svo í byrjun júlí fórum við heim til Íslands þar sem að Atli fór að vinna fyrir Hafnarfjarðarbæ eins og venjulega og ég breytti til og vann sem kirkjuvörður í digraneskirkju.
Ég fékk svo svar um hjúkrunarfræðina í ágúst um að ég myndi byrja í henni í febrúar. Atli byjaði svo sína seinustu önn með kennslu í háskólanum því þessa önnina verður hann bara að skrifa mastersritgerðina sína. Ég fékk vinnu hjá fyrirtæki sem heitir Doktorservice og er búin að vera að vinna þar alla seinustu önn. Í september kom svo öll fjölskyldan til að vera við brúðkaupið hennar Önju og Daniels og við héldum smá veislu og var gaman að hafa alla fjölskylduna saman svona þegar allir búa í útlöndum og erfitt að vera öll á sama stað. Svo komum mamma og pabbi í desember og héldu alveg rosalega hugguleg jól saman, var samt mjög skrítið að halda jól hérna úti en samt gaman að hafa prófað það :)
Áramótin voru ekki af verri endanum þar sem við fengum að hafa Ísak hjá okkur. Tina og Rune héldu líka með okkur áramót og elduðum við saman rosa flottan mat og skutum svo upp flugeldum saman og skáluðum á miðnætti, var rosa fjör.

2009 fór af stað með því að Atli fór í próf og skilaði 2 ritgerðum 12.jan og núna er hann í fríi þangað til að hann fær leiðbeinanda fyrir mastersritgerðina. Ég er byrjuð á undirbúningsnámskeiði fyrir hjúkrunarfræðina sem fer svo á fullt 2.febrúar.

Við vonum að 2009 verið jafn gott og 2008. Við verðum bara á fullu í skólanum fram á sumar og svo komum heim í ágúst og náum vonandi að vera heima í 3 vikur. Svo er aldrei að vita hvað skemmtilegt maður á eftir að gera á þessu ári því eins og í fyrra að þá var lítið plan fyrir árið en við enduðum á því að gera ekkkert smá mikið þegar árið var komið á enda :) og já má auðivtað ekki gleyma því að Ásta mamma hans Atla og Guðfinna amma hans Atla eru að koma að heimasækja okkur í mars þannig að það er svo sannarlega eitthvað til að hlakka til.

Svo er tilboð hjá express í dag á flugi til okkar frá 16.jan til 28.feb þannig ef að einvhejrum langar að koma í heimsókn eruð þið alltaf velkomin!

Nýr besti vinur!

2008-12-21T20:09:00.003+01:00

Já ég og Atli erum svo sannarlega búin að eignast vin! Pólska, sem er það sem við köllum kelluna sem að býr við hliðina á okkur en hún er miðaldra pólverji. Hún bankaði upp á hjá okkur í morgun og spurði hvort við værum til í að líta eftir íbúðinni hennar til 3.jan þar sem að hún væri að fara heim til Póllands yfir jólin. Okkur fannst það nú lítið mál og sögðum að það væri í góðu og hún bauð okkur í kaffi seinna um daginn til að sýna okkur allt og láta okkur hafa lykil. Svo á slaginn 5 var barið að dyrum og pólska sagði bara kaffi og hvarf inn í íbúðina sína. Við fylgdum á eftir og þar beið okkar ný uppáhellt kaffi og sæta brauð. Pólsku fannst það nú ekki nóg þannig að það var skenkt portvíni í glös til að drekka með kaffinu!
Svo var spjallað og sagt frá og það barst í tal að foreldrar mínir séu að koma í heimsókn og ætli að gista í um 15 mín fjarlægð þar sem að við hefðum fengið herbergi upp í Trojborg í láni. Það fannst henni nú ekki ná neinnri átt að þau væru að gista svona "langt" í burtu og reif mig með sér inn í herbergi og sýndi mér allt í svefnherberginu og tilkynnti mér svo að þau ættu nú bara að gista í hennar íbúð, því það væri bæði þægilegra fyrir okkur og hún væri bara feginn að það sé umgangur í íbúðinni hennar!
Og þar hafið þið það! mamma og pabbi verða bara í næstu íbúð við okkur yfir jólin sem er náttúrulega alveg rosalega þægilegt! en ef að einhver hefði sagt við mig í seinustu viku að þau væru að fara að gista hjá léttklikkaða pólska nágranna okkar hefði ég nú bara hlegið að þeim, en viti menn.

Mamma og pabbi eru sem sagt lent og sitja í þessum skrifuðu orðum í lest á leiðinni til okkar! Þau verða komin til okkar eftir 2,5 klst og ég get ekki beðið og auðvitað ætlum við niður á lestarstöð til að taka á móti þeim og lóðsa þau heim til okkar en fyrstu nóttina gista þau hjá okkur því pólska fer ekki af stað fyrr en í fyrramálið. Við erum búin að gera allt tilbúið, búið að þrífa íbúðina hátt og lágt, baka og búa um þannig að núna er lítið annað að gera en að hafa það notalegt og láta sig hlakka til :)
Veit ekki hve mikið ég á eftir að blogga um jólin eða alla vegana á meðan mamma og pabbi verða hérna þannig að til öryggis segi ég bara gleðileg jól til allra og gleðilegt nýtt ár!
Sjáumst hress á nýju ári

Saumaskapur

2008-12-16T22:19:00.003+01:00

Mér tókst það, já ég er búin að blóta og hætta við og byrja aftur en ég kláraði. Ég kláraði að sauma dúk undir jólatréið! og hann er með skábandi á og allt...úff hvað ég var ekki að nenna að klára að stinga bandið niður á dúkinn en mér tókst og er ekkert smá fegin og núna liggur hann ný straujaður á gólfinu og bíður bara eftir því að fá jólatréið ofan á sig :) og hérna er sýnishorn af saumaskapnum:
Og bara 6 dagar í að mamma og pabbi komi!!!

Bilka og IKEA

2008-12-13T22:00:00.003+01:00

Það eru bara 2 búðir sem að við tökum strætó í og það eru Bilka og IKEA. Og í gær ákvöðum við að skella okkur í IKEA að kaupa örlítið sem að vantaði upp á á heimilið fyrir jólin. Þar sem að þetta er nú ekki okkar fyrsta ferð í IKEA (íbúðin okkar gæti sem sagt verið útstilling fyrir búðina) að þá erum við komin með nokkra reynslu af þessari búð. Venjulega tekur það okkur nokkra klst að fara þangað upp eftir enda ágætis spotti í strætó og svo heilmikið að skoða, en í gær tókst okkur að gera þetta á mettíma! okkur tókst að fara út úr íbúðinni kl. 15:40 og stigum inn klukkan 17:10 og við biðum eftir strætó í 30 mín uppi í IKEA og teljum við þetta til mets og sýnir mikla sjálfstjórn að komast út úr IKEA á svona stuttum tíma.

En þetta er ekki búið. Við ákvöðum svo að skreppa í Bilka í morgun til að kaupa jólatrésfót og machintosdall fyrir jólin og við lékum sama leik og í gær og vorum að fara út kl. 11:20 og komum heim klukkan 12:30 og takið eftir hér biðum við líka í svona 20 mín eftir strætó! Þannig að við erum svo sannarlega komin í æfingu að fara í stórar búðir og vera fljót í gegnum þær og kaupa eingöngu það sem að var ákveðið í upphafi. Ég hrópa þess vegna húrra fyrir okkur.

Svo verð ég nú bara að segja ykkur frá þessum magnaða jólatrésfæti sem að við keyptum. En málið er þannig að við erum búin að vera að leita að góðum fæti semað rúmar mikið vatn, því ekki vill maður að tréið þorni upp og fari að fella barrið allt of snemma. Ég hef hingað til alltaf haldi því fram að foreldrar mínir eigi besta jólatrésfót í heimi, enda rúmar hann afar mikið vatn og er með auka vatnstank utanáliggjandi þannig það er alltaf nóg af vatni á honum. Þessi sem að við fundum er nú held ég ekki verri, þori ekki enn að segja betri alla vegana ekki fyrr en að það er komin reynsla á hann. En fóturinn á að rúma hvorki meira né minna en 3l af vatni! Þannig að það verður spennandi að sjá hvort að okkur tekst að komast í gegnum jólin án þess að missa tréið í þurrt.
Ég kem til með að leyfa ykkur að fylgjast með framþróun mála, bæði af uppsetningu trésins, skreytingu þess og gæðum jólatrésfótsins okkar.

segji þetta gott á þessu ofboðslega kósý jólalaugardagskvöldi, enda rok og rigning úti og við inni með jólaskrautinu og kertaljósum.

Jólastress...hvað er það?

2008-12-09T13:34:00.002+01:00

Já ég get ekki sagt að það verði mikið jólastress á þessum bæ þetta árið. Við erum bara að verða búin að gera flest allt sem við þurfum að gera bæði sem að við þurfum aðvera búin með áður en að mamma og pabbi koma og bara fyrir jólin sjálf. Við fórum meira að segja og keyptum eitt stykki jólatré áðan, fundum þetta fína jólatré. Verður samt skrítið að vera ekki með tré eins og við erum vön að vera með á Álfhólsveginum en þetta verður samt rosalega flott tré og ég held bara hreinlega að ég láti það eftir mér að skreyta það í fyrri kantinum þetta árið :)
Þetta er ekki það eina sem við erum búin að vera gera enda var Tryggvi í heimsókn hjá okkur þangað til í dag og eftir nokkra mjög góða daga með honum hérna skiluðum við honum á brautarstöðina og hann verður kominn heim til Íslands í kvöld. Þannig takk fyrir góða skemmtun Tryggvi.

Svo kláruðum við líka að plana jólamatinn og fórum til eðalslátrara í Salling og pöntuðum okkur sænksa jólaskinku og verður spennandi að sjá hvort hún verði eins og sú sem að við erum vön að fá heima! En ef ekki þá verður þetta bara spennandi og pínu öðruvísi jól en við erum vön. Við erum meira að segja búin að finna út úr því hvernig við getum búið til jólaöl hérna úti og erum búin að mastera blöndu sem að er bara alls ekki svo langt frá því sem að við drekkum heima þannig að þetta verður nú ekki mikið öðruvísi en við erum vön, enda óþarfi að vera að breyta of miklu í einu ;)

En eitt sem ekki mun vanta á þetta heimili er laufabrauðið og ég fékk hvorki meira né minna en heilan kassa af laufabrauði sendu frá ömmu og afa, enda á ég bestu ömmu og afa í heimi sem að nenna að vera að standa í því að útbúa laufabrauð í kassa á þann hátt svo það brotni ekki og viti menn það skilaði sér bara í heilulagi til okkar :) Og það besta við þetta allt var að það var miði í kassanum sem á stóð að þetta væri eingöngu til að borða fram að jólum því að foreldrar mínir verða sendir með meira út! þannig að ég get fengið mér laufabrauð þegar ég vil án þess að vera að hafa áhyggjur af því að spara það fram að jólum :) jei!

Annars erum við bara að njóta þess að það sé desember og láta okkur hlakka til að fá mömmu og pabba og svo um áramótin að fá hann Ísak til okkar og verður ábyggilega mjög mikið fjör hjá okkur á meðan við erum með þessar heimsóknir. Held samt að akkúrat núna þar sem að ég var að kaupa jólatréið áðan að ég hlakki mest til að skreyta jólatréið því ég vil ekki hlakka of mikið til að fá mömmu og pabba því þá líður tíminn allt allt allt of hægt!

en núna eru bara 15 dagar til jóla, 12 dagar í mömmu og pabba og bara vika í að Atli verði kominn í jólafrí! get ekki beðið eftir þessu öllu saman!

Jóla jóla....

2008-12-05T12:59:00.002+01:00

Já aðventan er svo sannarlega gengin í garð á kirkegårdsvej 10C, við erum búin að skreyta eins og við eigum lífið að leysa og er bara að verða rosalega jólaalegt og fínt, alveg eins og ég vil hafa það :)
Þeir sem að þekkja mig vel vita hve mikið jólabarn ég er, man t.d. eftir því í grunnskóla þegar ég og Hildur urðum að halda aftur af okkur að byrja ekki of snemma að hlusta á jólalög, og þar sem að desember er gegninn í garð er minn uppáhaldstími byrjaður og ég ætla sko að njóta þess út í ystu æsar að vera ekki í jólaprófum í fyrsta skipti síðan ég man bara ekki hvenær! enda hef ég mikið verið að baka og búa til konfekt seinustu vikur.

Svo fáum við skemmtilega heimsókn núna í jólaundirbúningunum, en hann Tryggvi bróðir hans Atla er að koma frá London á morgun en hann ætlar að millilenda hérna í DK til að geta eytt nokkrum dögum með okkar. Og svo fengum við að vita fyrir nokkrum dögum að hann Ísak yngsti bróðir hans Atla ætlar hvorki meira né minna að eyða áramótunum með okkur og við erum alveg í skýjunum yfir öllum þessum heimsóknum. Þannig að ég desember fáum við að hitta Tryggva, Ísak, mömmu og pabba án þessa að fara heim til íslands :) maður getur ekki kvartað yfir þessu!

Annars er Atli á fullu uppi í skóla að undirbúa ráðstefnuna sem að hann verður með plakat á 17.des og honum er búið að ganga ekkert smá vel með þetta allt saman (var nú svo sem ekki við öðru að búast :) og á meðan Atli var að læra um seinustu helgi skrapp ég til Køben á Julefrokost með vinnunni og var þetta minn fyrsti hefðbundni julefrokost hérna í DK og maturinn var ekkert smá góður og við stelpurnar úr Århus-deildinni skemmtum 0kkur konunglega en þó ekki jafn vel og læknarnir sem að voru með okkur og misstu sig aðeins í snafsinum og sumir enduðu heim í leigubíl kl. 22:30.....

Okkar líður svo bara heilt yfir mjög vel hérna úti og okkur hlakkar mjög mikið til að prófa að halda jól hérna þó svo að það verði nú að sjálfsögðu svolítið skrítið að halda ekki jól heima, en það munar öllu að mamma og pabbi ælta að koma út til okkar! En held samt að það skrítnasta verið að halda ekki jól með Gumma bróðir 3.árið í röð...en svona eru nú hlutirnir þegar maður er orðinn fullorðinn að þá er ekki alltaf hægt að hafa hlutina eins og þegar maður var lítill :)

en jólaverkin kalla þannig að ég er farin að jóla aftur....

Langt um liðið!

2008-11-14T13:07:00.008+01:00

já það hefur ríkt mikil bloggleti á þessu heimili undanfarið. Ástæðan er ekki sú að við höfum ekkert haft að gera og ekki nennt neinu heldur er búið að vera alveg heilmikið að gera hjá okkur síðan seinast. Atli fór í 10 daga til Hollands í vettvangsferð fyrir stóraverkefnið sitt og ég fór til Middelfart með Catherine og Tinu, sú ferð var reyndar styttri en ætlað því að ég tók þá ákvörðun að skella mér yfri til Svíþjóðar til að hitta Gumma, Grétu og pabbi en kallinn var í Lundi til að sækja vinnufund. Sá ekki eftir þeirri ákvörðun enda alltaf gott að hitta fjölskylduna :)

Annars er ég búin að vera að vinna á fullu og Atli hefur verið mikið upptekinn af verkefninu sínu sem að gengur svona rosalega vel, enda ekki við öðru að búast :) en við hjúin erum búin að fara á árshátíð hjá fótboltafélaginu hérna í Árósum og á hrekkjavökuball sem dauðinn og prestur og við erum búin að skreppa til Kaupmannahafnar til að sjá uppáhalds hljómsveitina hans Atla, Oasis, spila á tónleikum.
Svo áttum við 3.ára afmæli 1.nóv og héldum upp á það í rólegheitunum saman bara 2 og höfðum það huggulegt heima. Þannig eins og þið sjáið að þá er búið að vera heilmikið að gera hjá okkur. Við fjárfestum líka í fataskáp í vikunni þar sem að við gáfumst upp á litla skápaplássinu sem er í þessari íbúð og keyptum skáp með speglahurðum og viti menn núna lítur herbergið bara út fyrir að vera stærra en áður, þannig að við urðum bara enn ánægðari með skápinn :) Svo kíkti hún Aldís í heimsókn til okkar og var alveg rosalega gott að hitta hana og fá að spjalla smá saman :)

en eins og margir vita nú þegar að þá er ég og Atli ansi hrifin af skemmtilegum plöntum eins og t.d. lifandi steinunum sem að við áttum heima á íslandi sem að þið getið séð hérna í fæ rslu frá 16. nóvember 2006, en núna held ég að við höfum slegið öllum okkar plöntum út! og já við keyptum hana auðvitað í IKEA eins og allar okkar plöntur! en fyri þá sem ekki vita að þá eigum við nú þegar paprikuplöntu og bananplöntu en núna var það ananasplanta sem að bættist í hópinn og þar er lítill ananas að vaxa á henni eins og þið sjáið á myndinni hérna til hliðar.
Held að þegar það kemur að því að flytja heim og við þufrum að skilja allar plönturnar okkar eftir heima verðum við komin með heilan regnskóg!

Annars er okkur (eða réttara sagt ég) farið að hlakka mikið til jólanna og get ekki beðið eftir því að mega skreyta og byrja hlusta á jólalög en Atli er harður húsbóndi hvað það varðar og leyfir ekkert svoleiðis strax, en er byrjuð að föndra jólaskraut og baka smákökur þannig að það verður bara að koma í staðinn þangð til að ég get farið að skreyta :) svo á ég líka bestu mömmu í heimi sem er að fara í gegnum allt jóladótið sitt og er að tína til jóladót handa okkur Atla því að við eigum auðvitað lítið af því þar sem að við erum að halda okkar fyrstu jól :) þannig að ég er spennt að fá pakka með jóladóti og amma er meira að segja að senda okkur jóladót þannig að það verður heldur betur jólalegt hjá okkur í desember!

jæja ætla að láta þetta nægja í þetta skiptið svo að það verði nú einhver sem að nennir að lesa þennan póst til enda :)
en lofa að blogga fljótlega aftur og er að fara að setja fullt af myndum inn á myndasíðuna okkur um leið og tími gefst til

Haustið í Danmörku

2008-10-05T20:47:00.002+02:00

Já haustið er komið hérna í Danmörku og kom svo sannarleg með látum í gær....við urðum reyndar ekkert ofboðslega vör við það nema kannski smá vind en var bara alveg brjáluð rigning og rok út um allt land....en þetta þýddi það að við kveiktum á ofnunum þannig að núna er hlýtt og notalegt hjá okkur hérna á Kirkegårdsvej 10.

Við getum nú samt ekki kvartað þar sem að það var bara í seinustuviku sem að við vorum við á ströndinni í rosagóðu veðri og við tókum með okkur nesti og eyddum deginum á ströndinni með Catherine.

Annars er ég bara að vinna á fullu og Atli á fullu að vinna í verkefninu sínu og fer til Hollands á laugardaginn til að taka vinna "fieldwork" og hann verður í burtu í heila 10 daga og verður þetta í fyrsta skipti sem að ég sef ein í íbúðinni okkar! en ætli ég lifi það nú ekki alveg af....
Það verður sem sagt ekki mikið fjör á okkar heimili í vetrarfríinu þar sem að ég verð að vinna á fullu og Atli ekki heima....

Nóg að gera....

2008-09-29T20:25:00.004+02:00

já við héldum að núna myndi róast þegar brúðkaupið væri afstaðið en nei það er svo sannarlega ekki búið að vera þannig....

en brúðkaupið heppnaðist alveg rosalega vel í alla staði og allir mjög ánægðir. Það var líka rosalega gaman að hafa alla fjölskylduna svona saman á einum stað enda komið meira en heilt ár síðan að við vorum öll sama stað á sama tíma :) Þetta var fallegur dagur í alla staði og það var mikið borðað og mikið helgið!

En já það er sem sagt búið að vera alveg brjálað að gera hjá okkur tveimur báðum. Atli kemur bara rétt upp til að anda, en hann er meðal annars búinn að taka þátt í því að setja upp módel af evrópubandalangsþinginu og sást ekki á meðan það fór fram og er núna á fullu í verkefnavinnu þar sem að önnin öll snýst bara um eitt stórt verkefni. Hann er svo að fara í heila viku til Hollands í næstu viku til að safna upplýsingum í verkefnið!

Þrátt fyrir mikið annríki höfum við gefið okkur tíma til að hitta vinina og erum búin að fara í nokkur partý og svo fengum við alveg rosalega flottan hádegismat hjá Sylvíu á laugardaginn, en hún hóaði alla Íslendingan í húsinu þar sem að við vorum ekkert farin að hittast síðan að við öll skiluðum okkur til DK.

læt tvær mjög skemmtilegar myndir af okkur fylgja með sem sýna hvað við getum verið elegant í matar/rauðvínsboði!

Brúðkaup

2008-09-18T20:03:00.002+02:00

...já ég er að plana brúðkaup þó það sé ekki mitt eigið...Anja litla systir er búin að fá leyfi til að giftas honum Daniel sínum, en hún er búin að vera í vandræðum með pappíra frá Úkraínu til að fá að giftast í Þýskalandi. En þar sem að ég er svo heppinn að búa í Dk fann ég út úr því að hún þarf enga pappíra frá Úkraínu til að mega giftast hérna. Sem sagt er öll fjölskyldan hingað komin til að vera með í hátíðarhöldunum og erum við búin að vera í sjöunda himini að allt er gengið í gegn.

Ég verð sko heldur betur komin í gírinn til að plana mitt eigið brúðkaup eftir þetta, enda búin að velja brúðarvönd handa skvísunni og skipuleggja rest á met tíma því við erum bara búin að vera með þetta á planinu í tæpar 2 vikur!

og hérna eru tilvonandi brúðhjónin ásamt mömmu og pabba heima á Íslandi í mars......

Helgin komin og nóg að gera....

2008-09-13T09:54:00.002+02:00

já það má svo sannarlega segja að það sé nóg að gera hjá okkur hérna á Kirkegårdsvej...en skólinn er búinn að fara á fullt hjá Atla og ég er búin að vera á fullu að undibúa brúðkaupið hennar Önju, en hún er að koma hingað í næstu viku til að gifta sig. En það allt þýðir sem sagt að öll fjölskyldan er að koma í heimsókn og þess vegna nóg að undirbúa og gera klárt. Svo er Atli að spila á klakamótinu um helgina, en fyrir þá sem að ekki vita er það fótboltamót fyrir íslensk lið í Danmörku og er það að þessu sinni haldið hérna í Árósum.
Og af því að allir eru að koma í heimsókn til okkar er ekki seinna vænna en að klára að koma hlutunum fyrir þar sem að við fengum nú svo fín húsgögn í afmælisgjöf :)

Paprikur

2008-09-09T16:45:00.003+02:00

já paprikur eru alveg rosalega góðar og í tilefni þess skellti ég og Atli okkur á eina paprikuplöntu til að geta ræktað okkar eigin paprikur. Þetta alveg stór flott planta og svo var ég að tína paprikur af henni í dag og þetta er uppskeran okkar :) þannig að það verða heimaræktaðar paprikur í salatinu í kvöld!

Annars eru Anja og Daniel á leiðinni til okkar í þessum töluðu orðum og ég á fullu að útbúa mat ofan í mannskapinn en þau verða ábyggilega svöng eftir rúmlega 10 tíma ferðalag.

DK

2008-08-26T15:35:00.002+02:00

já núna erum við bæði búin að skila okkur hingað út til Danmerkur þó að Atli sé reyndar stunginn af aftur til Englands. En ég og mútta fórum saman út til Gumma og Grétu í seinustu viku og vorum hjá honum í 2 nætur og höfðum það kósý með þeim þangað til að við lögðum í'ann aftur til að klára ferðina hingað til Århus. Það var alveg rosalega gott að komast heim í sína eigin íbúð þó það hafi nú auðvitað verið alveg frábært að vera heima á Íslandi, en þá er maður nú farinn að eiga heima í DK.

Svo var það bara fyrir 4 dögum að ég og Atli vorum búin að eiga heima hérna á Kirkegårdsvej í heilt ár og erum búin að hafa það rosalega fínt hérna í litlu íbúðinni okkar, búin að hafa það gott og strembið því jú það er nú hægara sagt en gert að flytja til útlanda en líka búin að eiga frábærar stundir hérna eins og þegar við trúlofðum okkur....þannig að við erum búin að safna alveg heilum hellingi af minningum síðan að við fluttum hingað :)

En hann Atli fór í dag til Englands, nánar til tekið til Birmingham á Astonvilla-FH og veruðr þar sem blaðamaður og fær eitthvað að fylgja liðinu á meðan það er úti og verður vonandi alveg rosalega gaman hjá honum. Hann kemur svo til baka á laugardaginn og er þá ekkert að fara að stinga af meira í bili. Svo er það bara að ég þarf að fara að leita mér að vinnu því ekki nenni ég bara að hanga heima í heila önn...held að maður verði bara brjálaður að hanga bara.....en fer á fullt í svoleiðis þegar mútta er farin heim...

svo er bara framundan chill með múttu og sýna henni hvað er skemmtilegt í Århus.....

Heima er best...

2008-08-06T13:58:00.002+02:00

já það er auðvelt að segja það þar sem að maður segir heima um bæði Ísland og Danmörku....
en það er búið að vera ekkert smá gott að koma heim og hitta alla, borða góðan mat og fara að vinna aðeins aftur. Ég er búin að vera á fullu að passa Digraneskirkju sem kirkjuvörður og búin að hjálpa líka við að gifta, skíra og jarða...sem sagt alveg nóg að gera á meðan Atli er búin að vera á sama stað og venjuleg í Áhaldahúsi Hafnarfjarðar þar sem hann er búinn að vera í hinum ýmsu verkefnum.

Svo erum við búin að vera að eyða miklum tíma í að reyna að hitta alla og er ekki búið að ganga alveg jafn vel og ég hefði viljað því að það er alveg ótrúlegt hvað tíminn er fljótur að líða enda er ég farin aftur til Danmerkur eftir 2 vikur og Atli fylgir svo á eftir 3 dögum seinna.

Svo erum við búin að fara aðeins um landið síðan að við komum en í júlí skelltum við okkur yfir langa helgi norður til ömmu og afa og dobbluðum afa til að sigla með okkur út í Grímsey og úr því varð alveg frábær ferð og við skemmtum okkur rosalega vel, frábær upplifun að hafa komið þarna norður eftir. En ég hef núna sem sagt komið yfir heimskautsbauginn! svo keyrðum við um Eyjafjörð og sýndum Atla hvar amma og afi áttu heima og hvar ég á frændfólk og keyrðum svo alla leið inn í Leyningshóla sem er án efa einn af mínum uppáhaldstöðum á landinu. Í Leyningshólum fengum við okkur góðan göngutúr þar sem að við fengum líka þetta rosalega flotta útsýni yfir fjörðinn. Sem sagt ef að þið hafi ekki komið inn í Leyningshóla geta skoðað myndirnar sem að ég kem til með að henda inn fljótlega eða bara skellt sér þangað, alveg þess virði.

Svo skelltum við okkur í eina nótt upp á Snæfellsnes að hitta Sigrúnu og Ragga. Tókum taldvagninn með og létum fara afar vel um okkur með allar græjur. Svo daginn eftir keyrðum við vestur nesið og duttum niður á mjög skemmtilega gjá, held hún heiti Rauðfellsgjá, og þar rennur út lækur og maður getur labbað/klifrað langt inn eftir og kom ekki annað til greina en að príla þarna inn á tevunum og bara vaða. Enduðum mjög langt inni en stoppuðum þar sem að það var mannhæðahár foss sem að maður þurftu að klifra upp með hjálp reipis. Tókum líka fullt af flottum myndum þar sem að við reynum að henda inn sem fyrst. En var sem sagt hin príðilegasta ferð vestur.

Svo inn á stórar og skemmtilegar fréttir, en ég komst sem sagt inn í hjúkrun í Århus Sygeplejerskskolen, en þar sem að það er skipt niður hvort maður byrji á haust- eða vorönn og allir sóttu um haustönn var dregið hvenær maður byrjar og ég dróst á vorönn, þannig að ég verð bara að dunda mér við að vinna þessa önnina og undirbúa mig undir að byrja í hjúkrun :) er allavegana rosalega ángæð með þetta allta saman og hlakka ekkert smá til að byrjaá þessu öllu saman :)

núna fer þetta nú að verða óþarflega langt þannig að ég fer nú að hætta en það er sem sagt nóg að gera þangað til að við förum heim og mútta ákvað að skella sér út með okkur og verður rúmar 2 vikur hjá mér og Gumma þannig að það verður rosalega gaman líka og nóg að gera ;)

vona að einhver hafi nennt að lesa alla leið hingað og svo lofa ég að reyna að henda inn myndum um leið og ég get en það er þannig að tölvan mín er hjá lækni í lýtaaðgerð en henni nægði ekki minnið í sér þannig að hún vildi endinlega fara í stækkun og eftir miklar umræður á heimilinu var þetta látið eftir henni þó svo okkur sé ekki vel við lýtaraðgerðir.....

yfir og út

Afmælisbarn gærdagsins

2008-07-16T12:00:00.002+02:00

já hann Atli minn varð 26 ára í gær og af því að það var svo mikið að gera hjá okkur í gær náði ég ekki að blogga um það...en betra er seint en aldrei :)

Til hamingju með daginn Atli minn!

Sumarfrí og ferðalag....

2008-06-23T13:10:00.002+02:00

já það er loksins komið að því, ég er komin í sumarfrí! kláraði á föstudaginn, en þá skilaði ég seinni prófritgerðinni minni. Er búin að fá útúr hinu verkefninu og próflausa áfnganum og ég fékk staðið í báðum áföngunum, en það var ekki gefin einkunn heldur bara staðið eða fallið þannig að ég er sátt við það og núna er bara að bíða eftir seinustu einkuninni sem að ég reyndar geri ekki ráð fyrir að komi fyrr en um miðjan næsta mánuð.

En þar sem að við erum bæði komin í sumarfrí er búið að vera að stússast í hinu og þessu og gera allt klárt til að geta lagt í'ann heim til Íslands. En það er hreinlega bara full dagskrá þangað til að við leggjum af stað og verður lítill tími til að slaka á en við ætlum svo í staðin að vera ekki í neinu stressi hjá Gumma og Grétu. Við erum sem sagt ekki að fara beint heim til Íslands núna á föstudaginn heldur erum við fyrst að fara til Gumma og Grétu í Lundi og verðum hjá þeim í þónokkra daga áður en að við skellum okkur á Hróaskeldu! mikil tilhlökkun komin í okkur að leggja af stað þó það verði ferlega skrítið að vera ekki hérna í Árósum í næstum því 2 mánuði, en í staðinn verður gott að koma aftur út í haust.
En áætluð heimkoma er sem sagt fimmtudagurinn 10.júlí og þess vegna bara rétt rúmar 2 vikur í það að við lendum heima, og við erum auðvitað farin að hlakka rosalega mikið til að koma heim enda verður komið hálft ár síðan að við komum heim seinast, úff og það er langur tími sem að er samt búinn að vera furðu fljótur að líða!

svo fórum við í rosalega glæsilegt matarboð hjá Halldóri og Grétu og borðuðum alveg yfir okkur af góðum mat og horfðum svo saman á bíó á stóra tjaldinu og var það bara eins og vera með einkabíó, algjör lúxus og þar sem að við erum svo upptekin þessa seinustu daga hérna fórum við í tapasboð þar semað var fullt af tapas í boði og allri komu með einhver smárétt og var borðað frá 4-10 og allir afvelta eftir þessa rosalegu smárétti og er ég að fara í kennslu að læra að gera sumt af því sem að var í boði.
á dagskráinn er (fyrir utan að taka til og svona) er að vera með lambalæri í matinn á morgun og koma Gulli, Sylvía, Halldór og Gréta til að borða það með okkur, ekki annað hægt en að bjóða íslendingum í mat þegar maður er með læri, verða meira að segja orabaunir í boði og allt...vantar bara appelsín til að setja punktin yfir i-ið
ekki er þetta á búið heludr er ég að fara að kenna vinkonu Atla sem er að læra með honum, en hún er frá Singapúr, að baka súkkulaðiköku en henni hefur aldrei tekist að master það þannig að þá kemur íslendingurinn til bjargar og reddar málunum. Sama dag koma svo Rachel og Mallar, líka vinkona Atla og kærasti frá skólanum í grill til okkar og við ætlum að reyna að finna einhvern skemmtilegan fisk til að grilla handa þeim. Þannig eins og þið sjáið að þá er bara meira en nóg að gera hjá okkur þessa seinustu daga og nóg til að hlakka til :)

jæja núna hefu örugglega enginn nennt að lesa þetta til enda en það verður að hafa það :) veit ekki hve mikin tíma við komum til með að hafa þangað til að við komum heim, hendum kannski eins og einni færslu inn á meðan við erum í Sverige. Svo geri ég heldur ekki ráð fyrir að ég eigi eftir að blogga að neinu viti á meðan ég er heima þannig að þessi síða gæti orðið svolítil svefnsíða þangað til í lok ágúst.......

.....

2008-06-12T23:13:00.002+02:00

ég verð alltaf jafn hissa þegar ég sé annað fólk labba fram hjá þegar það er augljóslega manneskja sem að þarf á hjálp að halda....lenti enn einu sinni í þessu í dag, en fór í Netto til að versla í matinn og þar sat kona á göngugrindinni sinni, eflaust komin vel yfir sjötugt og hélt um höfuðið eins og henni liði illa og leit bara alls ekki vel út...og viti menn ég sá 4-5 manns bara labba fram hjá henni eins og hún væri ekki til....ég er nú með svo lítið hjarta að allt svona tekur alveg rosalega á mig þannig að ég gekk upp að konunni og spurði hana á minni útlendinga dönsku hvort allt væri í lagi og auðvitað svaraði konan að svo væri ekki og henni liði mjög illa og treysti sér ekki til að labba, en það sem að fékk kannski enn meira á mig var að þegar ég spurði hana hvort það væri ekki einhver sem að ég gæti hringt í fyrir hana en hún sagðist ekki eiga neinn að....þá brast hjartað mitt endanlega
það var svo lítið sem að við gátum gert fyrir grey konuna að við náðum í strafsmann sem að fór að hlúa að henni og færði henni vatn og svona.....

það er kannski þess vegna sem að ég vil verða hjúkrunarkona þegar ég verð stór, svo að ég geti hjálpað fleirum?

Afmælisbarn

2008-06-10T11:55:00.002+02:00

já hann Gummi bróðir minn á afmæli í dag og er hann orðinn 27 ára gamall...til hamingju með daginn Gömms.....

Tilboðslúlli....

2008-06-09T20:57:00.002+02:00

já við erum svo sannarlega orðin eins og Danirnir og eltumst við tilboðin í matvörubúðunum, en í morgun lögðum við leið okkar í eina búð sem að heitir Super Best, sem að við förum nú venjulega aldrei í enda búð í frekari dýrari kantinum, en af því að það voru svo góð tilboð í dag fórum við galvösk af stað og gerðum rosalega góð kaup, en við erum svo sannarlega ekki sú einu í blokkinni sem að gerum þetta því að þegar við erum að vera búin að tína allt í körfuna sem að við ætluðum að kaupa, mættum við Gulla nágranna sem að var þarna í sömu erindum og við....
maður er meira að segja orðinn þannig að maður fer í eina búð til að kaupa ost og aðra til að kaupa mjólk ;) og auðvitað allt á hjólinu góða.

Annars er búin að vera þessi bongóblíða hjá okkur og við búin að vera að sleikja sólina, búin að kíkja á ströndina og allt. En erum ekki enn komin í frí frá próflestrinum þannig að maður er með það hangandi yfir sér ennþá, en það fer nú allt að vera búið, Atli klára eftir viku og ég tæpar 2. Og í þessu góða veðri er grillið svo sannarlega að standa sig og við grillum óspart kvöldmatinn og á laugardaginn var hópgrill með hinum Íslendingunum úti í garði og settumst við svo niður á einn bekkinn hérna og borðuðum þar saman og áttum voðalega hyggligt kvöld.

Svo er ég búin að mynda "holuna" okkar pabba, eða fyrir þá sem eru ekki með á nótunum erum við búin að vera að fylgjast með síðan að þeir rifu nokkur hús hérna við hliðina á okkur og ég hef verið að mynda þetta í bak og fyrir og er komin tími á það að ég setji eina mynd inn af "holunni" en jah það er varla hægt að segja að þetta sér hola lengur því að hérna er bara komið hið heljarinnar íbúðarhús!

svo er smám saman að komast spenningur í mann að komast af stað í ferðalagið heim, en það eru bara tæpar þrjár vikur í það núna, verður gaman, en samt skrítið að vera svona lengi í burtu "að heiman" því maður er farin að tala um heima sem hérna, held samt að það verði ekki erfitt að falla í gamla gírinn þegar maður kemur heim á Álfhólsveginn þar sem að gömlu húsgögnin og gamla rúmið mans stendur :) enda alltaf gott að komast heim til mömmu og pabba :)

en þvottavélin er búin og bíður þess að verða tæmd....

verkefnaskil og sól!

2008-05-30T14:21:00.003+02:00

já vá hvað ég er fegin, fyrsta af tveimur verkefnum sem að ég á að skila í sumar er búið, er alveg búin með verkefnið og er meira að segja búin að prenta verkefnið út! Þannig að núna tekur við afslöppunar helgi með góðu veðri og sól :) ekki getur maður beðið um meira.
Atli er byrjaður á sínu verkefni og á hann að skila sínu á miðvikudaginn þannig að það er nóg að gera hjá honum þessa helgi og því miður lítill tími til að kíkja á ströndina með mér.

Annars er nú voðalega notalegt hérna hjá okkur í prófalestrinum í Danmörku en manni er farið að hlakka ægilega mikið til að koma heim í sumar, en við komum sem sagt 10.júlí heim eftir að hafa heimsótt Gumma bróður minn í Svíþjóð og auðvitað Grétu líka og Hróaskeldu, en þangað ætlum við að fara í góðra vinahópi og njóta þess, vonandi að vera þar í góðu veðri, erum enn með krosslagða fingurnar út af því og góðrar tónlistar! En við ætlum líka að taka eina heila viku í frí hérna á Kirkegårdsvej áður en að við leggjum í hann en ég er sem sagt ekki búin í prófum fyrr en kl. 9 á 20.júní en þá skila ég seinna verkefninu mínu.

Svo er ég barnapía þessa dagana en er búin að vera að passa litla nágrannann minn hann Theodór, en það er þannig að það er verkfall á leikskólunum hérna og þar sem að ég er með smá lausan tíma núna og Sylvía er í verkefni að þá hef ég og Atli aðeins verið að hjálpa til við að líta eftir honum. Og þar sem að hann sefur eins og steinn núna úti í garði ákvað ég að nota tækifærið og blogga aðeins.

en þar sem ég er ekki í neinu rosalegu bloggstuði ætla ég bara að láta þetta nægja í bili og bara láta vita að þá um daginn setti ég inn 7 ný myndaalbúm á myndasíðuna okkar Atla, en er samt ekki komin svo langt að vera búin að skrifa við myndirnar. Þannig ef ykkur leiðist getið þið kíkt þangað inn.
Svo í lokin læt ég eina mynd fylgja með af honum Atla í rólegheitunum úti í kirkjugarði.var samt bara hálfur Atli, en hann er alltaf jafn fínn hvort sem hann er hálfur eða heill :)

Próf og pönnukökur

2008-05-16T13:23:00.004+02:00

já það er nóg að gera þessa dagana. Við erum bæði á fullu að lesa fyrir prófin og Atli búin að fara í eitt munnlegt próf og honum gekk alveg rosalega vel :) ég sit enn sveitt við heimildarvinnu fyrir verkefnið mitt og geri ráð fyrir því að geta byrjað að skrifa seinnipartinn á morgun. Annars var seinasta vika ekki alveg í rútínu þar sem að maður var að koma öllu í jafnvægi eftir að hafa haft gesti en það er auðvitað alltaf svolítill tími sem að fer í að slaka á eftir góða heimsókn. En já Rafn og co. komu sem sagt í seinustu viku í heimsókn og var þetta rosalega fín heimsókn þar sem að veðrið lék við okkur, var um 25°C og sól allan tímann þannig að það var nú ekki verra að vera úti þessa daga, fjölskyldan fór fyrst í Legoland á meðan ég og Atli þurftum að fara í seinasta skipti í kennslu þessa önnina en daginn eftir fórum við með fjölskyldunni í dýragarðinn í Ålborg, sem er btw. rosalega flottur dýragarður og eyddum ábyggilega 3-4 klst í garðinum og ég fékk að halda á litlum kiðlingi :) svo var bara haft það notalegt saman hérna í Århus það sem eftir var af heimsókninni.

annars erum við bara eins hress og hægt er að vera þegar maður er í prófalestri, erfitt að ætla að hanga inni þegar maður gæti verið uppi í háskólagarði að sóla sig....en í staðin höfum við bara verið að grilla öll kvöld til að bæta það upp :) svo af því amma gaf mér jú pönnukökupönnu eins og ég var búin að minnast á áður, að þá skellti ég í fyrradag í pönnsur og þær heppnuðust svo bara svona rosalega vel :) þannig að núna er hægt að koma til mín í pönnsukaffi :)

en eins og venjulega þessa dagana kalla bækurnar þannig að ég læt þetta nægja í bili

Afmælisóskir

2008-05-12T23:06:00.001+02:00

vildum bara rétt óska henni Guðfinnu ömmu hans Atla til hamingju með daginn.....

Apríl búinn og maí kominn

2008-05-05T17:38:00.004+02:00

tíminn er svo sannarlega búinn að vera fljótur að líða eftir að við komum út eftir jól.....prófin að skella á og alveg komið sumar hérna enda 20 stiga hiti og sól ( er hægt að biðja um meira?)
annars er búið að vera alveg heilmikið að gera hjá okkur síðan að ég skrifað seinast...fengum Gumma og Grétu í þessa rosalega fínu heimsók, erum búin að fara á kapsejladen, grill með samnemendum Atla og fá Grétu og Halldór í mat, sem sagt nóg að gera....

en já Gummi og Gréta komu í góða heimsókn komu á föstudaginn og við áttum rosalega góða helgi og kíktum í góðan bíltúr á laugardaginn og fórum meðal annars til Silkiborgar og upp á himmelbjerget, sem er hvorki meira né minna en 147 m yfir sjávarmáli að hæð! svo vorum við Gréta og Atli bara í rólegheitunum á sunnudaginn á meðan Gummi fór í góðan hjólatúr í kringum bæinn og þegar hann kom heim gat hann bara ekki hætt að tala um hvað væri nú gott að hjóla hérna hjá okkur í DK :)

svo á miðvikudaginn var kapsejladen, eða kappsiglingin sem að fer fram í háskólagarðinum, en margar deildir skólans og aðrir háskólar á svæðinu keppa í kappsiglingu á tjörninni...garðurinn var fullur af fólki og og var þetta rosagóður dagur sem að endaði í smá partýi heima hjá okkur í góðra vina hópi....og hér til hliðar er ég og Anais frá Frakklandi að gera okkur sætar/sætari

Svo var fællesgrill með skólanum hans Atla og var mér líka boðið og var það skemmtilegur dagur af leikjum og góðum pulsum þannig að það er tvímælalaust búið að vera að njóta góða veðursins sem að er búið að vera hérna seinustu daga og núna sitjum við líka á hverjum degi á morgnana við fína nýja borðið okkar úti á svölum....

annars er næst á dagskrá hjá okkur að taka á móti Rabba pabba hans Atla og co....og þau koma bara á morgun þannig að við erum búin að vera að þrífa og gera fínt til að taka á móti gestunum og er hin besta veðurspá þannig að þetta ætti tvímælalaust að vera góð heimsókn :) svo er komin pönnukökupanna í hús þannig það er aldrei að vita nema að maður hendi í íslenskar pönnsur á næstunni, en hún amma mín frétti nefnilega að ég ætti ekki þannig pönnu og henni fannst það nú ekki ná neinni átt, húsmóðir sem að á ekki pönnukökupönnu og til að bjarga mannorði mínu var hún svo væn að senda mér eina að gjöf og get ég nú loks kallað mig almennilega húsmóðir :)
svo er ég byrjuð á fyrsta prófverkefninu mínu sem að ég á að skila saman með Camillu 2.júní og við ætlum að skrifa verkefnið á góðum tíma til að lenda ekki í tímaþröng og jafn vel til að geta slakað aðeins á áður en að við förum í næstu törn, ætlum jafn vel að skella okkur saman í djurs sommerland ef að veður leyfir :)

en bækurnar og tebollinn minn kallar, þannig að ég kveð að sinni

ég hata tölvur!!!

2008-04-25T15:07:00.003+02:00

já ég á sem sagt að vera að gera orðalista upp á 500 orð og var að slá það inn í tölvuna og var komin með góða 40 orð inn í tölvuna og svo raktst ég óvart í don't save í stað save og núna eru þessu 40 orð með ýtarlegri skýringu horfin fyrir fullt og allt !!! ég gæti grenjað, öskrað eða bara lagst í þunglyndi yfir þessu öllu saman....en hef víst ekki tíma í það þannig að það er ekkert annað en að byrja upp á nýtt á orðalistanum og telja upp á 10!

en að skemmtilegri hlutum að þá eru Gréta og Gummi að koma í heimsókn til okkar um helgina og koma í kvöld með ferjunni frá Sjálandi og fara bara í þessum töluðu orðum að leggja af stað til Odden á Sjálandi þar sem að ferjan bíður þeirra til að flytja þau yfir til okkar á Jótlandi. Þau ætla að vera hjá okkur alveg fram á mánudagskvöldið og koma á bíl þannig að við ætlum að finna okkur eitthvað skemmtilegt að gera hérna í kring sem að við getum brunað á bílnum.

Svo er ég og Atli búin að fjárfesta í þessum fínu garðhúsgögnum og getum núna setið úti og borðað morgunmatinn, fengum okkur líka dúk á borðið og lukt svo að við sjáum eitthvað á kvöldin :) þannig að núna erum við komin með sannkallaðar sumarsvalir, enda gerum við lítið annað en að grilla síðan að við keyptum Weberinn. Enda er komið algjört íslenskt sumar hérna að maður getur ekki verið þekktur fyrir neitt annað en að hegða sér í samræmi við það. Mér tókst reyndar að næla mér í þetta fína kvef og hálsbólgu í vikunni að ég var alveg frá, hef varla fengið hálsbólgu síðan að kirtlarnir voru teknir úr mér fyrir rúmum 2 árum, en ég er öll að koma til, fulla nefdropum og hóstasafti svo að ég verði nú sæmilega hress til að taka á móti gestunum okkar :)

Annars hef ég verið í ákaflega uppörvandi verkefni þessa vikuna, en það er þannig að í einu kúrsinum sem að ég er í þurftum við bara að halda 2 fyrirlestra, einn 45 mín og hinn 10 mín og svo að skila 500 orðum sem að við þurftum að fletta upp í orðabók, sem sagt að auka orðaforða okkar um 500 orð, og er þetta án efa það leiðinlegasta verkefni sem að ég hef nokkur tíman þurft að gera, en held að það sé samt þess virði í staðinn fyrir að þurfa ekki að fara í 3 klst próf úr þýskri samfélagsfræði.

þannig að ég kveð með orðabókakveðju og góða helgi :)

Dúfufaraldur

2008-04-17T12:32:00.005+02:00

já ég er algjörlega orðin sannfærð um það að hér sé kominn dúfufaraldur, alltaf þegar ég kíki út um gluggan þá leynast nokkrar dúfur ofan á húsinu okkar eða hinni blokkinn á móti! og þetta eru sko engin smá smíði, töluvert stærri en þessar sem að við erum vön niður við tjörn í RVK!
og það besta við þetta allt saman er að þær líta út fyrir að vera að plotta eitthvað saman og fer ég að hætta að þora að fara út á svalir út af ótta við að þær ráðist á mig!(eru meira að segja að horfa á mig akkúrat núna, er samt að forðast augnsamand við þær, maður veit aldrei!)

annars höfum við verið ægilega löt við að blogga upp á síðkastið en í staðinn er ég búin að vera rosalega dugleg að henda inn myndum á myndasíðuna okkar og er það undir DK-myndir og svo inn í 2008! á reyndar eftir að skrifa við vel flestar myndirnar en það kemur núna fljótlega :)
en ég var nú búin að lofa að setja inn mynd af fínu kökunni sem að ég bakaði handa Grétu og Halldóri í lok mars og hérna getið þið séð flottheitin og ég er ekki frá því að þessi kaka hafi næstum því kostað mig geðheilsuna og hefði hún aldrei klárast nema með hjálp frá atla! en men hún var góð á bragðið þegar við loksins gátum borðað hana og má til gamans geta að þetta er samtals heilar 4 ofnskúffur af köku sem að fóru í þessa rosalega flottu höll!

Svo eins og ég var nú búin að segja frá er vorið alveg á fullu hérna og ég fór út að skokka í skóginn okkar og var ekkert smá hlýtt og gott, sólin skein og maður bíður núna bara eftir því að taka smá lit í andlitið (veitir ekki af því að maður er orðinn sjáflýsandi hvítur!)
Annars er bara nóg að gera hjá okkur þar sem að skólinn er að klárast í þarnæstu viku og hefst þá upplestrarfríið okkar, svo um næstu helgi (sem sagt ekki núna um helgina) eru Gummi og Gréta að koma í heimsókn til okkar og ætla að vera í 3 nætur þannig að það verður rosalega gaman og ætla þau að koma á bíl þannig aldrei að vita upp á hverju við tökum!
Heimsóknirnar eru þá ekki búnar því að tengdapabbi ætlar að koma með familiuna í heimsókn yfir hvítasunnuna og er allavegana á planinu að koma Svandísi systir hans Atla í Legoland! þannig ekki nóg með að það er að koma sumar hjá okkur að þá erum við að fá fullt af góðum félagsskap!

Svo er bænadagurinn mikli á morgun og þýðir það að allt er lokað þannig að ég og Atli ætlum að fara í góða innkaupaferð á eftir og byrgja okkur upp þannig að við þurfum helst ekkert að fara í búð um helgina! og þar sem að það er mega góð veður spá um helgina verður ekkert annað gert en að grilla! og fyrst á dagskrá eru djúsí burgerar með beikoni og allar græjur...gerist ekki mikið betra en það! er strax komin með vatn í munnin!

jæja þá er að koma vetrarfötunum niður í kjallara og fara að versla!

kveðja frá
Århus

Páskar, vor og lítil prinsessa....

2008-03-30T15:19:00.012+02:00

já við erum sem sagt komin aftur heim eftir frábæra ferð til Berlínar yfir páskana....tek bara stutta ferðasögu á þetta, fórum af stað á föstudeginum 14. og það var tekið ekkert smá vel á móti okkur hjá Sabrinu og Hönnu og alveg snúist í kringum okkur. Ég tók túrista rúntinn með Atla, skoðuðum þinghúsið, Brandenburgar-hliðið, Check-point-charlie og fullt af fleiri stöðum og svo var auðvitað leitað að páskaeggjum og gjöfum í garðinum á páskadag og ein af gjöfunum var miðar handa okkur á Olympia stadium á leik Herta-Berlin vs. Schalke og var Atli alveg í skýjunum yfir því :) svo á öðrum í páskum var haldið heim á leið eftir ótrúelga vel heppnaða ferð til Berlínar! set svo bráðlega inn myndir af ferðinni en hérna koma nokkrar myndir þangað til:Atli fyrir framan "Reichstag"

Fyrir framan "Brandenburgertor"

í lestinni eftir langan dag

Atli við Berlínarmúrinn

Atli með afrakstur páskaeggjarleitarinnar

Gerist ekki mikið meira þýskt en þetta!

á leiknum í fullu fjöri

En eins og þið sjáið var þetta ekkert smá góð ferð og núna getur maður látið sig hlakka til næstu borgarferðar!

En að stærstu fréttinni að þá varð hún Unnur Guðlaug vinkona mín mamma á fimmtudaginn og eignaðist þessa ótrúlega fallegu stelpu og ég vil bara óska Unni og Steinari innilega til hamingju með prinsessuna þeirra og læt eina mynd fylgja með af henniLilla Steinarsdóttir

Helgin er búin að fara í afslappelsi og afmæli, Gréta átti sem sagt afmæli á föstudaginn og Halldór á afmæli í dag, þannig til hamingju bæði tvö með afmælið, en ég og atli bökuðum þessa rosalegu afmælisköku handa þeim, en það var sem sagt bleikur kastali og ég reyni að henda inn mynd af þessari flottu köku á morgun, enda meistarastykki!

Annars er vorið bara að skella á hjá okkur og við breyttum klukkunni í dag þannig að núna erum aftur orðin 2 tímum á undan ykkur og í staðinn er bjartara lengur hjá okkur sem að er náttúrulega bara frábært og allt er smám saman að lifna við enda um 10°C í dag og næstum heiðskýrt og áður en að við vitum af getum við farið að grilla og sitja úti á svölum og njóta góða veðursins! Svo er lokatörnin í skólanum að taka við enda bara rúmur mánuður eftir af skólanum og taka þá prófin við en við fáum ekki að vita neinar prófadagsetningar fyrr en í fyrsta lagi í viku 17-20, já engar dagsetningar frekar en venjulega, bara vikur.
jæja vona að einhver hafi nennt að skoða alla færsluna og dáðst að öllum flottu myndunum okkar ;) og endilega kvittið svo að við vitum hverjir eru að lesa :)

vorkveðjur frá
Århus

Líkamsrækt...

2008-03-05T20:33:00.004+01:00

ég var sem sagt að koma heim af æfingu og alla æfinguna var ég að velta því fyrir mér hvernig fólki dettur í hug að fara að æfa í flipflops og carhartt buxum, en já það er sem sagt engar reglur um það hvernig maður á að vera klæddur inn í æfingarsalnum. Heima í Nautilus hangir uppi sérstakur miði sem að útskýrir hvernig klæðnaður sé æskilegur og skyldugur og síðast en ekki síst hreinir íþróttaskór. Þetta hefur eitthvað farið fram hjá dönunum og veit ekki afhverju en ég læt þetta fara í taugarnar á mér, ætti nú kannski að vera að einbeita mér að hreyfa mig og gera æfingar rétt, geri það næst og leiði þetta bara hjá mér, en það mun ekki breyta því að mér finnst þetta asnalegt!

En það sem að mín líkamsræktarstöð hefur sem margar ef ekki flestar hafa ekki þá er það að hún býður upp á ferska ávexti fyrir og eftir æfingu og þetta er eitthvað sem að ég og Atli nýtum okkur oft, mjög gott að rölta heim og narta í eitt epli eftir góða æfingu :)

Eric Clapton

2008-03-04T23:28:00.003+01:00

já ég og pabbi erum á leið á Eric Clapton tónleikana í ágúst!
fór á midi.is í dag og keypti miða handa okkur feðgininum þar sem að hann er rosa flottur og er í miklu uppáhaldi hjá okkur báðum ( þó að pabbi sé þá reyndar að fara í 3.skiptið á Clapton tónleika, en það er nú önnur saga).

Búið að vera næturfrost núna 2 daga í röð og ég bind miklar vonir við að þetta sé bara vetur og sumar að frjósa saman, en fyrir þá sem að ekki vita boðar það gott sumar heima á fróni. Þannig núna bíð ég spennt eftir góðu sumri og það má koma sem fyrst.

Annars er nú mismikið í gangi hjá okkur þessa dagana, ég er reyndar að fara á 7 tíma leiksýningu (með hléum) á fimmtudaginn, veit reyndar ekki enn hvaða verk ég er að fara á en segji ykkur frá því þegar ég er búin að komast að því, matur á föstudaginn með hinum Íslendingunum í blokkinni og janf vel innfluttningspartý hjá vinkonu Atla á lau. Jah það er nú kannski eftir allt svolítð að gera hjá okkur í þessari viku en bara 6 skóladagar eftir og þá er komið langþráð páskafrí með öllu tilheyrandi :)

verð líka að segja frá því að við erum komin með loftljós í eldhúsið, já erum sem sagt bara búin að vera með lampa í allri íbúðinni þangað til núna og vorum búin að taka þá ákvörðun víst að það væri farið að birta svo mikið núna að við létum bara vera að kaupa ljós fyrr en næsta vetur, en svo rakst ég á þennan rosa flotta skerm í antíkbúð hérna rétt hjá að við stóðumst ekki mátið og skelltum okkur á hann og keyptum strax perustæði og kapal og settum þetta allt saman og mín skellti svo vírunum í samband sjálf! en ég set mynd af nýja ljósinu í næstu færslu þar sem að ég hreinlega nenni ekki að standa upp til að ná í myndavélina og halað inn mynd, en lofa að setja það fljótlega inn :) en þannig að núna er bara að finna eitthvað hræódýrt og þægilegt ljós svo að við séum líka með loftljós í svefnherberginu :)

en þar sem að klukkan er orðin margt ætla ég að draga hann Atla upp í og kúra mig inn í hann eins og mér er líkt :)

endilega kvittið fyrir innlitið svo að við vitum nú að einhver sé að fylgjast með okkur úr fjarskar ;)

Rasmus klump

2008-03-01T12:14:00.003+01:00

já ég var sem sagt komin á fætur um 8 í morgun, á laugardagsmorgni, og kveikti á sjónvarpinu til að stytta mér stundir á meðan Atli var að spila fótboltaleik sem að ég nennti ekki að fara og horfa á í rigningunni rakst ég á Rasmus Klump og ég hef bara ekki séð þá teiknimynd síðan að ég var hjá dagmömmu minni....því líkir endurfundir, skemmti mér konunglega yfir þessu og fékk óstjórnlega löngun í pönnukökur en jú það er nú uppáhaldsmaturinn hans Rasmus Klumps!

6 mánuðir

2008-02-25T22:22:00.005+01:00

já um helgina voru sem sagt komnir síðan að við fluttum hingað út! og það er bara orðið mjög heimilislegt hjá okkur hjónakornunum og þetta er alveg orðið heimilið okkar þó að manni hafi nú ekki fundist það í byrjun. Erum búin að safna góðum og skemmtilegum minningum í bankan og þetta verður staður sem að við munum aldrei gleyma enda staðurinn sem að við settum upp hringana. Annars leikur lífið við okkur hérna í Ásósum þó að það sé óhóflega mikið að gera í skólanum en eins og einhver sagði að það er betra að hafa of mikið að gera heldur en of lítið, Atli er í ritgerðarsmíðum og ég á fullu í fyrirlestrum.

Svo var hún Gréta tilvonandi mágkona mín að klára námið sitt, var sem sagt að verja ritgerðina sína og gekk það bara vel þannig að við óskum henni innilega með áfangann en það verður að bíða að knúsa hana þar sem að hún og Gummi eru að fara heim núna á næstu dögum. En ég og Atli erum einu af krökkunum og mökum sem að eru ekki að fara heim yfir páskana, en í staðin erum við að fara að túristast í Berlín og að hitta vini og vandamenn í stórborginni :) verður alveg frábært enda frábær staður til að vera á!

Svo fengum við fyrir nokkrum dögum þennan fína og stóra pakka frá mömmu og pabba og var hitt og þetta sem að ekki komst með út í ferðatöskunni í janúar og eins og sjá má á þessari mynd að þá vaer búið að prufukeyra jólagjöfina frá mér (og fyrir þá sem að ætla að vera með bögg á mig að þá er ég bara nógu örugg til að geta sofið undir þessu) ;)

Svo er vorið í loftinu enda páskaliljurnar alveg við það að springa út og smá saman að hlýna og þetta er alveg æðislegt :) enda sjaldan á ævinni sem að maður hefur upplifað að í byrjun mars verði langt komið að vora!

Annars er ég farin í bólið enda langur og strangur dagur framundan af lestir og yfir- áhugasömum gestaprófesorss.

P.S.
ein mynd af hamborgarahryggnum sem að við elduðum um daginn
með hvítusósunni (vegna skorts á sósulit) og spes sykurbrúnuðum kartöflum (vegna vankunnáttu við að sykurbrúna kartöflur) en þrátt yfirr allt sem að var skrýtið var þetta hin ljúffengasta máltíð!

Sunnudagsveisla...

2008-02-17T17:00:00.008+01:00

Já ég og Atli ætlum svo sannarlega að vera grand á því í kvöld og elda hamborgarahrygg, og verður þetta í fyrsta skiptið sem að við munum elda þetta! en planað meðlæti eru sykurbrúnaðar kartöflur (þ.e. ef að það heppnast því við höfum aldrei eldað það heldur), brún sósa (sem verður hvít vegna skorts á sósulit) og salat ala Atli. Algjörlega dýrindismáltíð sem að við erum að stefna á í kvöld.
Annars hefur verið ansi mikið að gera hjá okkur síðan að ég skrifaði hérna síðast, við erum búin að fara í 2 matarboð, til Grétu og Halldórs og svo fórum við í indverskan mat til Rachel og Mallars en Rachel er að læra með Atla. Við fórum með Sunnu og Gunna nágranna og Gústa vinar þeirra og Halldóri á íslenskt þorrablót hjá Íslendingafélaginu hérna í Árósum, en þar kynntumst við hinum nágrönnum okkar þeim Gulla og Sylvíu en þau búa einmitt akkúrat á móti okkur Atla, svo erum við búin að halda smá partý fyrir vini úr skólanum, partýið var góðmennt og stóð ekki of lengi enda við á fulli við að læra þannig ekki hægt að vera að eyða deginum eftir í að sofa langt fram eftir.

en tilgangur færslunar var nú aðalega til að foreldrar mínir, sem eru ótrúlega spenntir yfir þessu, fái að fylgjast með gangi mála. En málið er það að þegar þau voru í heimsókn hjá okkur í haust var verið að rífa húsin hliðina á okkur og verið að gera risa holu, ég var svo búin að lofa, þá aðalega honum pabba, að leyfa þeim að fylgjast með gangi mála en það var nefnilega að eitt húsið var bara skilið eftir með ekki neitt við hliðina á og stóðu þá svalirnar hjá þessu fólki bara opnar og ekkert handrið eða neitt, en þetta fannst okkur afa skondið að sjá og höfum beðið spennt eftir breytingu en ekkert hefur gerst eins og glöggir sjá á myndinni til hliðar.
en já hérna stóðu 3 hús þegar við fluttum í haust og núna er bara stór hola og lítið sem ekkert hefur gerst, en heyrði samt í tækjum og tólum fyrir helgi þannig að það gæti verið að ég þurfi að fara í könnunarleiðangur áður en að um langt líður.

Á meðan að ég var að útbúa eftirréttin fyrir kvöldið, frauð ala Sunna nágranni, að þá var ég enn og aftur að hugsa út í umhverfisvernd dana, veit að ég hef pirrað mig á þessu hérna áður en hér kemur þetta samt. Þeir eru alltaf með auglýsingar í sjónvarpinu um hvernig maður geti sparað orku með því að þvo þvott á 30°C og sparað rafmagn með sparperum og sparfjöltengjum en svo kemur þversögnin í þessu öllu saman: þeir endurnýta ekki fernur! við notum nú frekar mikið af fernum þar sem að ég drekk mikla mjólk og mikla súrmjólk, svo drekkum við svolítið af safa og notum inn á milli rjóma, allt þetta er í fernum og væri svo einfalt að endurnýta! en þessu á maður að gjöra svo vel og fleygja bara með heimilissorpinu (þó að Gréta hafi þráast við í nokkurn tíma)...ég verð bara að segja að þetta er óttaleg hræsni að segja að þeir séu að reyna að bjarga heiminum með hinu og þessu og líta svo fram hjá svona stórum hlut. En fæ þessu víst ekki breytt með því að röfla um þetta hérna, en það mun samt sem áður helda áfram að svíða í umhverfisvæna hjarta mitt í hvert skipti sem að ég hendi fernu í ruslið!

Svo er bara að þakka fyrir allar hamingjuóskirnar sem að við erum búin að fá frá svo ótrúlega mörgum :) með þessari stórskemmtilegu mynd sem að við tókum um daginn þegar það kom þessi rosalega hríð þegar við skruppum út að kaupa í matinn.

Svo vonum að allir hafi átt eins góða helgi og við :)

Pabbi á afmæli!

2008-02-05T15:44:00.000+01:00

já kallinn á afmæli í dag á sprengidaginn sjálfan, þannig að til hamingju með daginn pabbi minn :) eigðu góðan afmælisdag!

Trúlofun

2008-02-03T16:53:00.000+01:00

já það eru meiri fréttir í dag en að hún mútta eigi afmæli en það er nú bara þannig að ég og Atli trúlofuðum okkur á föstudaginn :) og hérna er sæt mynd af okkur nýtrúlofuðum

Afmælisbarnið!

2008-02-03T12:25:00.000+01:00

Hún mútta á afmæli í dag! og við óskum henni innilega til hamingju með daginn í dag :)

Pigs in a blanket eða Partý pulsur

2008-01-31T19:27:00.000+01:00

já allt í einu flaug mér í hug að gera partý pulsur í matinn, þetta er eitthvað sem að maður lærði í Digranesskóla á sínum tíma og fannst okkur systkinunum ekkert smá gott og auðvita finnst Atla þetta heldur betur gott þannig að í kvöld var "pigs in a blanket" í matinn!

Annars skelltum við okkur í jóga í dag, dróg sem sagt Atla með mér í jóga og honum fannst það nú bara ekkert slæmt....og mér fannst frábært að komast aftur í jóga! en við vorum sem sagt að kaupa okkur kort í ræktinni eins og allar hinar skinkurnar (ætla ekki að velta því fyrir mér hvort það megi telja okkur til skinkna).

Svo er það bara heimalærdómur sem að bíður mín á morgun, en já hérna í Danmörku er sko sett fyrir áður en að önnin byrjar, hvorki meira né minna.

en best að setja sig í stellingar til að horfa á cashmere mafia, þættir sem að eru í gangi í USA, svona sex and the city þættir sem að hún Sunna nágranni kom mér upp á.

Bína "tilvonandi" liðuga

Frí

2008-01-29T18:06:00.000+01:00

já í þessu notalega fríi hef ég lítið nennt að blogga á meðan. En Anja var hjá okkur og skemmtum við okkur svo vel saman, fórum með hana til Gumma og Grétu og áttum góð 2 daga saman, kíktum svo til Køben í ekki allt of góðu veðri en kíktum sam á hafmeyjuna í góðum göngutúr.
Anja fór svo aftur heim til sín á laugardaginn og við fórum til Horsens að heimsækja Simma vin hans. Svo bíðum við Atli í ofvæni eftir því að það fari að hlýna þó það hafi nú ekki enn komið neinn almennilegur vetur hérna, en það verður svo ægilega notalegt þegar það fer að vora og maður fer að geta setið úti og svona.....en þangað til látum við bara fara vel um okkur í íbúðinni okkar :)

En þegar maður er í fríi er lítið til að segja frá þar sem að maður er bara í rólegheitunum og er það ekki sérlega spennandi að segja frá. En svo á föstudaginn erum við að fara í mat til Grétu og Halldórs og bíðum spennt eftir því :) og svo bara skólinn á næsta mánudag.

Próf í janúar

2008-01-15T12:29:00.000+01:00

Já ég hef ekki verið í prófumí janúar síðan að ég var í 7.bekk og eru komin nokkur ár síðan að ég var í 7.bekk eða heil 10 ár. En ég á eitt próf eftir og er það í þýskri sögu frá 1871 til dagsins í dag, og verður þetta mitt fyrsta munnlega próf í öðru en talfærni þannig að það verður spennandi að sjá hvernig þetta allt saman á eftir að ganga.
En annars á föstudaginn eftir prófið er ég komin í frí fram að 4.feb og Atli byrjaði í fríi í gær einnig fram að 4.feb. En við ætlum ekki að sitja auðum höndum heldur er hún Anja að koma í heimsókn til okkar í heila viku og ætlum við að skreppa með hana yfir til Svíþjóðar að heimaækja Gumma og Grétu. en restina af fríinu ætlum við samt bara að hanga hérna heima og slappa af og njóta þess að vera til og stússast aðeins í því sem hefur þurft að víkja í lestrinum :)

Annars erum við bara hress og kát og gott að vera komin heim í íbúðina sína :)

Nýtt ár, nýjir tímar?

2008-01-08T19:30:00.002+01:00

já eins og hefur eflaust ekki farið fram hjá neinum að þá gekk árið 2008 í garð í seinustu viku.
Á þessu ári verið ég hvorki meira en minna 23 ára og fyrsta árið sem að ég byrja búandi í Danmörku og með lögheimili á öðrum stað en foreldrar mínar. Ætla nú ekki að fara að telja allt upp sem að ég gerði á árinu 2007 þó að það hafir verið margt skemmtilegt eins og t.d. ferðin okkar Atla til Tælands og Ástralíu, hálfs árs frí frá skóla, 25 ára afmælið hans Atla, flutningurinn til Árósa og margt fleira. Þetta var allavegana þegar á heildina er litið bara nokkuð gott ár, upplifið mikið nýtt, kynntist mikið af góðu fólki og eignaðist nýja vini.

Ég og Atli komum heim til Árósa seinasta Sunnudag eftir alveg ótrúlega góða dvöl heima á Íslandi yfir jólin, þó að það hafi próflestur fylgt með en gott að hitta mömmu og pabba aftur þannig að það er ekki hægt að kvarta, en þá tók við okkur köld íbúð og tómur ísskápur en því var reddað mjög fljótlega og var orðið hlýtt þegar ég kom heim úr skólanum á mánudaginn :) og svo síðan við komum heim erum við bara búin að vera að læra og ganga frá öllu dótinu okkar sem að við komum með.

Svo 18.jan er ég og Atli komin í frí fram til 4.feb þannig að það er ekki verra að geta haft það rólegt saman og notið þess að vera til...fáum svo jafn vel heimsókn í fríinu okkar þannig að það verður gaman ef að af verður :) og svo er líka planað að gera eitthvað skemmtilegt með skólafélögum okkar sem að hefur nú hingað til ekki verið verra...

en þangað til er það bara lestur og aftur lestur :)

Komin heim...

2007-12-22T10:20:00.000+01:00

já við erum heldur betur komin heim í jólaösina :) kem ekki til með að blogga mikið í fríinu enda mikið að gera við að hitta alla á þessum stutta tíma, en erum bæði með sömu gömlu íslensku númerin þannig að það er lítið mál að ná í okkar :)

En bara eitt að lokum

Gleðileg jól

Búin í prófi og komin til Svíþjóðar

2007-12-17T22:32:00.000+01:00

já ég sem sagt fór í próf í mrogun í fonetik og ligvistik, verður spennandi að fá einkuninna úr því þegar þar að kemur......en ég og Atli drifum okkur sem sagt strax eftir próf að ganga frá íbúðinni og og gekk það hratt fyrir sig og svo hentum við okkur af stað og 5 tímum seinna vorum við komin til Lundar að heimsækja Gumma og Grétu, en þau koma ekki heim um jólin þannig að við ákvöðum að koma við hjá þeim í nokkra daga áður en að við kæmum heim í staðin......

en já stutt í að koma heim í jólastressið og gleðina....hlökkum allavegana rosalega til að koma heim og hitta alla :)
þannig sjáumst í lok vikunnar :)

í skugganum leynist hún....

2007-12-12T21:52:00.000+01:00

já hún leynist vel og lengi en læðist svo hægt og rólega upp að manni og heltekur mann án þess að maður viti af.....já ég er að tala um prófaljótuna og hún hefur náð mér, heimagallinn og hárið í hnút og mikil mygla.....

Afmæli og Stekkjastaur

2007-12-11T20:36:00.000+01:00

já hún Unnur Guðlaug mín á afmæli í dag og þar sem að ég get ekki knúsað hana og kysst til hamingju með afmælið þá óska ég henni bara til hamingju hérna með afmælið og vona að hún hafi átt góðan dag og það verði gaman hjá henni í kvöld þrátt fyrir að ég verði ekki hjá henni :)

og svo má náttúrulega enginn gleyma að hann Stekkjastaur kemur ofan af fjöllum í nótt...þannig allir með skóinn út í glugga :)

Prófatími....

2007-12-10T23:08:00.000+01:00

er án efa leiðinlegasti tími ársins og er búin að komast að því að hann er hreinlega enn leiðinlegri þegar maður er erlendis og er búin að ákveða að fara heim strax að prófunum loknum....en já ég sem sagt kem til með að henda niður í tösku strax og ég er búin í prófinu á mánudaginn og fara til bróður míns í Svíþjóð og vera þar þangað til að ég á flug heim.....og það verður svo notalegt að koma heim á Álfhólsvegin og hitta allt fólkið :) og Sabrinu sem að ég er einmitt ekki búin að sjá í 2 og hálft ár þótt hún sé núna búin að búa heilt misseri hjá foreldrum mínum.....

annars hef ég verið að pæla í bloggi, og svo fór Gréta vinkona einmitt að tala um þetta við mig. En þegar maður er í prófum fer maður sinn daglega bloggrúnt oftar en einu sinni og oftar en tvisvar og maður fer að láta það fara í taugarnar á sér að fólk skuli nú ekki geta komið sér í að blogga aðeins, þó að það séu hrikalega innihaldslausar færslur, því maður vill bara eitthvað til að lesa...og þá byrjar pælingin ekki hef ég verið að blogga mikið undanfarna daga og fékk þá einmitt komment frá Grétu að ég ætti að blogga og ef að ég hefði ekkert að segja ætti ég bara að skrifa um eitthvað og viti menn hvað er ég að gera....ég er að blogga um ekki neitt bara til að Gréta hefði eitthvað að lesa, og sérstakelga svo að ég myndi ekki breytast í hræsnara eftir að hafa skrifað þessa færslu :)

en annars var ferðin til Köben algjört æði, gaman að hitta Ástu og Hemma og auðvitað líka að fara yfir til Gumma og Grétu....og síðan að við komum heim erum við eiginlega lítið búin að fara út úr húsi þar sem að við erum að lesa, höfum samt aðeins kíkt út til að versla í matinn og kippa með okkur seinustu jólagjöfunum handa fólkinu heima....Atli fer svo í próf á fimmtudaginn og ég á mánudaginn og þá erum við komin í "jólafrí" en erum bæði í prófum í jan þannig að við erum ekki beinlínis komin í frí en auðvitað er það aðeins frí þar sem að maður kemur heim til Íslands.......
er einmitt að fatta það núna að mér finnst það nú bara eiginlega vera hálf kjánalegt að vera að fara heim, ætli það sé ekki bara að ég sé ekki búin að fatta það að ég sé að fara heim í næstu viku og í vikunni þar á eftir séu jól, er einhvern vegin ekki sami jólafílingurinn og heima því það vantar allt það sem að manni finnst tilheyra jólaundirbúningnum í desember....en það verður fljótt að koma í næstu viku.....

en var að henda inn myndum frá því að ég var með skólanum í Berlín og frá því að mamma og pabbi komu í heimsókn í byrjun nóvember og er hægt að skoða þær hérna eða bara með því að klikka á linkin til hliðar á myndasíðuna okkar Atla

og hlakka til að sjá ykkur í næstu viku :)

Köben hér komum við....

2007-11-29T21:19:00.000+01:00

já við erum að fara til Köben í fyrramálið, ég er farin að hlakka ekkert smá mikið til enda hef ég aldrei skoðað Köben almennilega svona rétt fyrir jól og við notum auðvitað tækifærði að fara í Tívolíið en það er búið að auglýsa það svo mikið í sjónvarpinu að það er eins gott að maður verði ekki fyrir vonbrigðum :) en Ásta mamma hans Atla ætti að vera um það bil að lenda í Köben núna en það er nú aðal ásætðan fyrir því að við erum að fara. Við ætlum að eiga eina hygge helgi áður en að við hellum okkur alveg í próflesturinn.....förum svo yfir til Lundar á laugardaginn til Gumms og Grétu og ætlum líka að hygge okkur með þeim :)

Þannig vonandi eigið þið öll góða helgi, ég ætla allavegna að eiga góða helgi :D

afskiptaleysi...

2007-11-26T22:39:00.000+01:00

já mér var nefnilega misboðið af afskiptaleysi fólks í gær...en ég og Atli vorum úti að labba og sáum fram undan að það situr maður á gangbrautinni á hjólastígnum og er eitthvað að basla og fólk bara labbaði fram hjá manninum, þegar við vorum alveg að verða komin að manninum var reyndar bara par búið að stoppa og spjalla við hann, en þá vorum fleiri en 10 manns búið að labba framhjá manninum eins og hann væri ekki þarna. En við stoppuðum hjá manninum og þá k om í ljós að hann talaði ekki dönsku og var að babla á dönsku þannig að Atli lét mig spurja hann hvort hanntalaði ekki þýsku og jú þetta var þá þjóðverji og hann var fatlaður og gekk við tvo stafi og gat ekki staðið sjálfur upp, en Atli og strákurinn úr parinu hjálpuðu honum að bekk sem að var þarna hliðina á og náðum í leigubíl fyrir mannin og þaðan gat hann bjarðga sér sjálfur. Ég sem að er með svo lítið hjarta fór þetta alveg með mig að sjá manninn liggja þarna og enginn að hjálpa honum, það hefði getað endað þannig að það hefði verið keyrt á aumingja manninn....allavegana var ég fegin að við áttum leið þarna hjá og gátum hjálpað honum og vona að þið hefðuð gert það sama......

en víst ég er búin að koma þessu frá mér þá get ég sagt frá því að ég og Atli áttum góða helgi, fórum á föstudagsbarinn hans Atla og enduðum á því að fara með hópnum að dansa á félagsvísindabarnum þvíð þar var mesta fjörið. Svo á laugardaginn fórum við í "den gamle by" sem að er árbæjarsafn Árósa og þar er jólahátíð þar sem að tókum þátt í, sem var rosa fjör....
kíktum svo um kvöldið á Loga Geirs en hann var í bænum að spila með Lemgo og hann og Atli æfðu saman þegar þeir voru í FH. Svo fórum við á AGF-Lemgo í gær og var ekkert smá gaman að komast aftur á alvöru handboltaleik og maður dettur í það áður en að maður veit af að vera farinn að æsa sig út af gangi leiksins.....góð tilfining :)

en núna er það bara að klára seinustu kennsluvikuna og svo að fara til Köben og Lundar um helgina :)

Jólatréin ykkar eru á leiðinni....

2007-11-20T18:51:00.001+01:00

já ég sá þau áðan á flutningabíl á leiðinni niður á höfn....þannig að þið getið farið að láta ykkur hlakka til :) en mín fjölskylda heldur sig enn við að fara christmas tree hunting....ekki spurja......tileinkað Önju

ég geri nú ekki ráð fyrir því að ég og Atli verðum með jólatré hérna úti enda komum við heim 19.desember, en ég er farin að pæla í því hvernig ég ætla að jólaskreyta, nauðsynlegt að vera með jólaskreytt þegar maður er í prófalestri...fer reyndar bara í 1 próf fyrir jól og það fyrst 17.des en svo á ég eitt munnlegtpróf 14-16.jan.....en maður verður að jólaskreyta......
er smám saman að komast í jólagírinn....erum að verða búin að kaupa allar jólagjafirnar og ætla að kíkja á jólamarkað í "den gamle by" sem að er svona árbjarsafn um næstu helgi til að pumpa upp jólastemminguna.....en það er bara upphitun áður en að við förum og hittum Ástu í Köben og skoðum jóladót með henni :)

En vorum að klára seinasta prófverkefnið okkar rétt í þessu og núna er bara að bíða fram í næstu viku til að fá að vita hvort að við höfum náð, ekki það að ég sé sérlega stressuð en maður er samt var um sig þangað til að það er búið að gefa einkunn...þannig ef að allt gengur upp þá stendur það að ég fari bara í 2 próf þessa önnina, enda alveg nóg því að þetta eru alveg killer fög.....málvísindi og hljóðfræði í einu kúrs og saga munnlegtpróf þar sem að maður þarf að kunna sögu Þýskalands frá 1871 til dagsins í dag og svo kunna allt um einn kall og vera búin að lessa 500 bls. bók um hann ...þannig að það er mikill undirbúningur

en Atli kallar, maturinn er til og ég er svöng

Gubbupest og fljúgandi búsáhöld...

2007-11-18T17:34:00.000+01:00

já ég var svona rosalega heppin um helgina að fá gubbupest.....var ælandi eins og ég veit ekki hvað á föstudaginn og aðfaranótt laugardagsins, þannig að helgin er ekki búin að vera sérlega spennandi. En til að ráða bót á því er ég með grísasteik í ofninum sem að er að eldast ofan á gulrótum og kartöflum og grænar baunir með :) og auðvitað royal karamellubúðingur í eftirrétt :)
en þegar ég var sem sagt að gera allt klárt í eldhúsinu þegar ég var búin að skella öllu inn í ofn, og var að ganga frá rifjárninu og og það rann svona skemmtilega úr höndunum á mér og flaug í gegnum loftið og ég auðvitað gerði þá heimskulegu tilraun til að grípa járnið og auðvita, eftir mörg ár í handbolta, og viti menn, kemur öllum á óvart, skar ég mig svo all hressilega á þumalputtanum :) en ekki hvað, en ekkert sem að smá plástur bjargaði ekki :)

en er að vinna seinasta verkefnið í textagreiningu og er mikil pressa á okkur því ef að við náum ekki verðum við að fara í munnlegt próf og kennarinn er ekki sá yndælasti þannig að það er eins gott að maður klári þetta, er samt ekki mikið að stressa mig á því, því við erum allar klárar stelpur og mössum þetta :)

en ofninklikkan hringir og maturinn er tilbúinn þannig að ég segi bara verið ykkur að góðu....

Það snjóar og ég get fengið lán á pósthúsinu....

2007-11-14T13:18:00.000+01:00

já n ú er heldur betur búið að vera mikið að gera hjá okkur síðan að ég henti einhverju hingað inn.....Tryggvi bróðir og Rafn pabbi hans Atla komu í heimsókn til okkar og var voðalega notalegt að fá þá í heimsókn og sýna þeim aðeins um og svo fór Atli með þá á fótboltaleik AGF-FC Köbenhavn en ég fór nú ekki með á þann leik því að ég var að fara með skólanum til Berlínar og var það mjög skemmtileg ferð og ég notaði líka tækifærið og heimsótti "fjölskylduna" mína í Schulzendorf og það vvar æðislegt þar sem að ég hef ekki séð þau í meira en 2 ár :) ég gerðist smá leiðsögukona og leiddi hópin hingað og þangað um Berlín og uppskárum það að vera ekkert smá þreytt á leiðinni heim en það var í lagi þar sem að rútuferðin heim tók meira en 8 tíma.

Svo þegar ég kom heim frá Berlín var bara að taka til íbúðinni eftir strákana (sem að var ekk imikið verk) af því að mamma og pabbi voru að koma til okkar í heimsókn :) þau voru hjá okkur í í tæpa viku og við gerðum hitt og þetta á meðan, skruppum til Þýskalands og heimsóttum Ullu vinkonu mömmu og pabb, svo voru þau dobbluð í IKEA og Bilka víst að þau voru á bílaleigubíl og við búum jú nú ekki við þann lúxus að hafa bíl í verslunarferðir :)
En þetta voru alveg frábærir dagar og við tókum slatta af myndum sem að ég kem til með að reyna að henda inn á myndasíðuna okkar þegar tími gefst, sem er ekki alveg víst hvenær verður því það er mjög mikið að gera hjá okkur þessa dagana og verður alveg þangað til að við komum heim um jólin :) en við þökkum mömmu og pabba, Tryggva og Rafni fyrir góða daga :)

Annars eitthvað til að láta okkur hlakka til núna víst að allt annað er liðið er að við erum að fara til Köben 30.nóv til að hitta Ástu mömmu hans Atla, en hún verður þar með kallinum sínum honum Hemma og ætlum við að nota tækifærið að fara og hitta þau og hafa það notaleg, svo víst að við verðum komin þetta nálægt Gumma og Grétu þá ætlum við að skreppa til þeirra þegar við erum búin að vera með Ástu og Hemma þannig að það verður rosalega flott helgi....en í staðinn þá get ég ekki fari helgina áður til Köben að horfa á HK keppa geng FC Köben, en maður verður að velja og hafna og auðvita förum við frekar að hitta fjölskylduna, en í staðinn ætlum við að fara á AGF-Lemgo hérna í Árósum 25.nóvember þannig að ég fæ allavegana að fara á einn handboltaleik :)

en já ef að ég útskýri fyrirsögnina að þá var ég að hjóla í skólan og hjólaði samferða einni bekkjarsystur minni og hún var bara stór hneiksluð á því að það væri snjókomma, en í raun var þetta bara þannig að maður rétt gat séð móta fyrir agnar smáum snjókornum sem að voru bráðnuð áður en að þau náðu að snerta jörðina hehe....en svo eftir skóla skrapp ég á pósthúsið til að póstleggja nokkur bréf og var bara í rólegheitunum að bíða eftir því að röðin kæmi að mér þegar ég rak augun í að ég gat bara í mestu makindum á pósthúsinu sótt um lán....þetta fannst mér svo fyndið að ég skellti upp úr og allir litu við til að horfa á mig....frekar vandræðalegt....

en ætla að fara og taka til og koma með því svolitlum hita í kroppinn, er hreint út sagt að frjósa.....

Netto!

2007-10-31T17:33:00.000+01:00

jess....við fundum loksins Netto sem að við getum verslað í og er ekki of langt í burtu frá okkur þannig að við getum hjólað heim með vörurnar, vorum nefnilega bara búin að finna eina Netto búið bara of langt í burtu og við hefðum þurft að taka strætó. Þannig að þetta voru fagnaðar fundir þar sem að þetta á eftir að lækka matarreikningin okkar til muna :)

Annars erum við á fullu að gera allt tilbúð áður en að Rafn pabbi og Tryggvi bróðir hans Atla eru að koma á morgun :) og það er kominn spenningur í mann að fá eitthvað af foreldrum okkar í heimsókn :) og svo er auðvita ekki langt að bíða eftir næstu heimsókn en þá koma mamma og pabbi til okkar og verða næstum því í viku hjá okkur :)

Myndir

2007-10-28T22:19:00.000+01:00

já er búin að dunda mér við það í dag að setja inn myndir sem að við erum búin að taka í október :)
Rákumst á þetta tré þegar við vorum í göngutúr en þetta er sem sagt snuddutréið og þangað fara krakkar með snuðin sín þegar þau eiga að hætta að nota snuð, finnst þetta sniðug hugmynd, sumir krakkarnir létu bréf fylgja með og allt, góð leið til að fá krakka til að hætta með snuð með þeirri hugsun að núna fái snuddutréið snuðin og gert eitthvað úr þessu, einhver athöfn og kæmi ekki á óvart ef að þetta hjálpar í alvörunni,
fannst þetta allavegana mjög skemmtilegt og ákvað að deila því með ykkur.

Svo er hægt að skoða restina af myndunum hérna!

Hiti.....

2007-10-27T16:34:00.000+02:00

já ég er komin með hita og er slöpp.....en hristi það nú af mér :)

Erfið vika!

2007-10-26T18:33:00.000+02:00

já þetta er svo sannarlega búin að vera erfið vika, ég átti sem sagt að skila mjög erfiðu verkefni með leshópnum mínum í fagi sem að heitir Analytik og retroisk behandlig af tekster eða bara textagreining á góðri íslensku. En já vorum sem sagt að greina mjög erfiðan texsta eftir þýskan gaur sem að heitir Theodor Storm og það var ekkert smá erfitt því að það átti að vera á dönsku og ekki nóg með það fagdönsku sem að var meira að segja erfitt fyrir hinar stelpurnar og út af þess vegna vorum við alla vikuna fram á kvöld uppi í skóla. Og ég komst að því hve ótrúlega margir eru uppi í skóla á kvöldin og hvað við höfum aðgang að mörgum byggingum á kvöldin og nóttunni. Ekki nóg með það þá er sjálfsafgreiðsla á bókasafninu og það þýðir að ég get farið allan sólahringinn og fengið lánaðar bækur....sé þannig kerfi ekki alveg virka heima, geta bara labbað allan sólahringin inn í bókhlöðuna og fengið bækur í láni......ne ekki að gera sig...

Annars er bara allt voðalega gott hjá okkur og við erum bara að láta okkur hlakka til alls sem er að koma...Berlín eftir viku :)....
en það er farið að vera allt of stutt til jóla og mikið sem að áeftir að gera í skólanum fram að jólum....fullt af stórum verkefnum...en ekkert sem að maður ræður ekki við :)
erum svo búin að panta okkur flug heim og ef að próftaflan okkar verður ekki ómöguleg þá komum við heim 19.des og förum út aftur 3.jan og verður það gott stopp heima, fullt af góðum mat (sem þýðir SÆNSK JÓLASKINKA!!!) og fjölskyldan :) líka fullt búiða ð gerast eftir að við fórum en Ásta mamma hans Atla flutt inn á Breiðvangin og Guðfinna amma hans Atla flutti í nýju íbúðina sína á Kirkjuvöllum þannig að verður voðalega spennandi að fara í heimsókn þangað og skoða, svo er Sabrina vinkona mín frá Þýskalandi heima á Álfhólsveginum þannig að það verður voðalega gaman að hitta hana, verður nefnielga svolítið skrítið að fara þangað og að Sabrina verði ekki þar....

Annars er veturinn svo sannarlega kominn vetur og orðið ekkert smá kalt úti þannig að það er gott að eiga góða úlpu á hjólinu. En já erum sem sagt orðin vön því að fara allar ferðir okkar á hjóli og er þetta bara að verða þægilegur ferðamáti, Atli er meira að segja að ná í pítsu á hjólinu :) gerist ekki betra ;)

ætla að setja mig í stellingar fyrir pístuátið þannig að læt þetta nægja í bili :)

"kaldar" kveðjur frá
Århus

P.S. bara fyrir pabba þá hlakka ég rosalega til að hann og mamma koma í heimsókn eftir eina
9 daga.....

og það kom að því....

2007-10-20T22:09:00.000+02:00

já það kom að því að ég og Atli urðum að láta undan og byrja að kynda.....eftir að vera farin að frjósa á tánum og vera kalt á nefinu kveiktum við á ofnum og er ekkert smá notalegt hjá okkur þrátt fyrir að það sé enn okt og farin að kynda, ætluðum að reyna að taka fátæka námsmanninn á þetta kynda ekki fyrr en í nóv en það var bara ekki að gerast, en samt aðalega mér að kenna þar sem að ég er yfirlíst kuldaskræfa.

Annars er haustfríið okkar langt komið og skóli á þriðjudaginn og við erum búin að hafa það alveg ótrúlega gott og slappa mikið af, og hafa það rosalega notalegt. Svo komum Simmi og Bjarni vinir hans Atla í heimsókn um seinustu helgi og voru í eina nótt hjá okkur og var ekkert smá gaman að fá þá og spiluðum við saman og fengum okkur öl saman :) svo komum Halldór og Gréta í mat til okkar og við æfðum okkur að hanga saman sem að verður meira af þegar Halldór flytur hingað, þangað til er það bara Gréta sem að er nú ekki af verri endanum...

Erum svo búin að nota fríið til að skoða skóginn okkar sem að er bara í 5 mín göngufjarlægð og heitir Riskov og er frábær staður til að skokka í og fá sér góðan göngutúr, sá meira að segja íkorna og allt :)

Svo erum við bara á fullu að læra svo að við höfum tíma til að vera með fólkinu okkar sem að er að koma í heimsókn en Rafn pabbi hans Atla og Tryggvi bróðir hans eru að koma til okkar 1.nóv og verða yfir helgina hjá okkur en ég verð "því miður" að fara til Berlínar 3.nóv þannig að ég verð að skilja þá eftir hjá Atla, held að þeim þyki það nú samt ekkert verra að vera bara einir saman :) en ég fer já með skólanum til Berlínar og ætla að nota tækifærið að heimsækja fólkið mitt því að ég hef ekki hitt þau í 2 ár þannig að það verður án efa rosalega skemmtilegt. Kem svo heim 6.nóv og daginn eftir koma mamma og pabbi til okkar sem að er líka rosalega gaman líka :) að sýna þeim íbúðina og svona :) þannig að það er eins og gott að við verðum dugleg áður en að þessi törn byrjar :)

en að öllu öðru leiti er lífið bara að ganga sinn vana gang hjá okkur hérna í Árósum og við erum bara hress og kát :)
er svo að vinna í því að setja inn myndir þegar ég hef tíma :)

10. okt og danir eru enn að slá grasið...

2007-10-10T13:15:00.001+02:00

já það er nefnilega þannig að ég sat áðan í rólegheitunum uppi í skóla að læra og fer að velta því fyrir mér hvaða hljóð þetta er enda hugsaði ég ekki til slátturvélar þar sem að það það er vel liðið á október, en ég velti þessu aðeins lengur fyrir mér og gat ekki látið mér detta neitt annað í hug en slátturvél þannig að ég spurði krakkana hvaða hljóð þetta væri og viti menn þau sögðu slátturvél eins og ekkert væri sjálfsagðara, þrátt fyrir árstíma og allt. Þannig að já það er eðlilegt að slá grasið hérna þegar það er komin 10. okt.

En lífið í Danmörku er að fara vel með okkur nema hvað það er mikið að lesa, en maður getur víst ekki kvartað undan því, við fórum nú hingað út til að lesa og læra.
Erum svo að byrja í vetrarfríi á morgun og verðum í fríi til 22.okt sem að verðu voðalega notalegt að slappa aðeins af, er reynda alveg nóg að lesa í fríinu en samt fínt að fá frí frá kennslu :) Svo er Halldór kærastinn hennar Grétu að koma í heimsókn og koma þau strax í mat til okkar á mánudaginn og við eigum ábyggilega eftir að gera eitthvað meira með þeim í fríinu.

Annars voru mamma og pabbi að panta sér flug til okkar 7. nóv og ætla að stoppa í nokkra daga, þannig að við erum rosalega kát yfir því, verður gaman að fá þau í heimsókn, en svo koma Tryggvi bróðir hans Atla og pabbi hans 1. eða 2. nóv og verða í nokkra daga og ég fer svo með skólanum til Berlínar 3.nóv þannig að það verður nóg að gera hjá okkur í byrjun nóvember :) en rosa gaman :)

en ætla að fara að gerea pítsudeig því ég lofaði víst Atla að ég myndi gera pítsu, og ekki er það vandamál eftir að ég eignaðist þurrger ;)

Heimsóknir, próf og gæludýr

2007-10-01T19:35:00.000+02:00

já það er búið að vera nóg að gera hjá mér og Atla undanfarið. Skólinn er alveg á fullu og nóg að lesa og nóg af verkefnum en við erum bæði í góðum leshópum sem að skitpir öllu máli, sérstaklega þegar maður er í svona góðum hóp eins og ég þar sem að stelpurnar erum mestu krútt í heimi og eru alltaf að tékka hvort það sé ekki í lagi hjá mér og hvort ég hafi skilið allt og svona, algjörar elskur.

Annars erum við búin að fá tvær heimsóknir síðan að ég bloggaði síðast, en Anna frænka bankaði upp á á leið á húsbílnum sínum frá Spáni til Íslands, og gisti eina nótt hjá okkur og átti góða kvöldstund með okkur og var mjög gaman að fá hana í heimsókn þar sem að maður sér hana nú ekki sérlega oft þar sem að hún býr á Spáni og hvað þá þegar ég er flutt til Danmörku.

Svo fengum við Gumma og Grétu í heimsókn og ekki var það verra, ofsalega gott að fá þau hingað til okkar nema hvað það ringdi ekkert smá mikið um helgina en við létum það ekki spilla fyrir okkur og kíktum niður í bæ á landbúnaðarsýningu og skoðuðum okkur um í miðbænum og ég fór svo með þau í göngutúr og sýndi þeim hvar við Atli erum í skólanum. Rosalega gaman að hafa fengið einhvern úr fjölskyldunni í heimsókn :) við áttum sem sagt rosalega fína og skemmtilega helgi saman sem að
var líka full af afslöppun :)

en já ég og Atli ákvöðum að skella okkur á eitt gæludýr, en við værum nú kannski vís til þess að gleyma gæludýrnu þannig að við skelltum okkur bara á eitt svona, en þarna er Gummi að leika við Kristján krókódíl :)

en annars leikur lífið bara við okkur og lífið komið aftur í fastar skorður eftir smá bakslag en ég á góða að og það bjargaði öllu, sérstaklega hann Atla. Svo er núna bara 2 kennsluvikur eftir hjá okkur og svo bara 11 daga frí hjá okkur og ætlum við svo sannarlega að slappa af og njóta þess að vera til og skoða okkur betur um hérna þar sem að það er búið að vera svo mikið að gera hjá okkur að við erum enn sem komið er ekki búin að ná að skoða nógu mikið í kringum okkur :)

Svo tók ég mitt fyrsta lokapróf hérna í DK og það var munnlegtpróf á dönsku og var það hópverkefni og við í leshópnum skilgreindum koreferentielle keðju í texta, en þetta var í námskeiði sem að heitir textagreining og minn hópur stóð sig með prýði og við náðum, en það var engin einkunn gefin, bara staðið eða fallið, þannig að við vorum bara nokkuð sáttar.

og svo smá update af bananplöntunni okkar að þá er blaðið búið að springa út og nýtt að myndast, þessi planta er sko on fire, ég og atli fengum greinilega græna putta þegar við komum hérna út, erum með 4 pottaplöntur og einn bambus og allt lifir og dafnar hjá okkur :)

Svo var ég að hlaða niður nokkrum myndum sem að við tókum í september og úr Hytteturnum sem að ég fór í með skólanum og eru þær á myndasíðunni okkar eða hér.
og hérna eru nokkra myndir líka bara fyrir pabba.ég og Camilla í Hyttetur
ég, Atli og Gummi á landbúnaðarsýningunni
bananaplantan og nýja laufblaðið

20. september 2007

2007-09-20T19:57:00.001+02:00

Elsku amma er farin,
farin á betri stað þar sem að hún
finnur ekkert til og man allt sem hún
á að muna. Himnaríki er orðið ríkara,
því það er búið að bætast við einn
engill, engill sem að passar upp á mig
og vakir yfir mér um ókomna tíð.

† Þangað til að við hittums á ný elsku amma †

Allt eins og blómstrið eina
upp vex á sléttri grund
fagurt með frjóvgun hreina
fyrst um dags morgunstund,
á snöggu augabragði
af skorið verður fljótt,
lit og blöð niður lagði,
-líf mannlegt endar skjótt.

Ég lifi' í Jesú nafni,
í Jesú nafni' eg dey,
þó heilsa' og líf mér hafni,
hræðist ég dauðann ei.
Dauði, ég óttast eigi
afl þitt né valdið gilt,
í Kristí krafti' eg segi:
Kom þú sæll, þá þú vilt.
Hallgrímur Pétursson1614-1674

Brot Sb. 1671

2 færslur á einum degi.....

2007-09-17T15:04:00.000+02:00

já ég bara varð að deila gleði minni með ykkur en eftir langa og erfiða leit hef ég loksins fundi þurrger og ég sko fjárfesti í alveg 10 pökkum ef að ég kem ekki til með að finna þetta aftur, en þvílík gleði, það verður sko bökuð pítsa á þessu heimili í vikunni!!!

Helgin og meira...

2007-09-17T11:09:00.000+02:00

já kominn mánudagur og við vöknuð snemma og farin að læra því að við erum aldrei bæði tvö í tímum á mánudögum. En já á föstudaginn fór ég með þýskunni í svo kallaðan Hyttetur og fórum við c.a. 25 km fyrir utan bæin í skátaskála sem að var í misgóðu ástandi, en þrátt fyrir það gerðum við okkur bara góðan dag og fórum í hina og þessa leiki og borðuðum góðan mat og áttum gott kvöld saman, svo fór meira en helmingurinn af krökkunum heim á laugardeginum og ég fékk far með Alexander í bæinn og var mjög fegin því þá svaf ég mun betur og gat þess vegna lært í allan gær dag og ekki veitti af því það er ekkert smá mikið að gera. Atli fór svo á laugardaginn með krökkum úr evrópurfr. að horfa á fótboltaleik á pöbb niðri í miðbæ, þannig að við erum bæði tvö mjög dugleg að blanda geði við samnemendur okkar :)

Svo er það þannig í þýskunni hérna að maður er í leshóp sem að maður gerir flest öll heimaverkefni með og minn hópur var engan veginn að virka,nennti enginn að mæta og ef þau mættu þá voru þau ekki búin með verkefnin eða neitt og enduðu á því að skrifa upp eftir mér,frekar svekkjand, en núna er ég komin í nýjan hóp eftir að hafa fengið hjálp með það frá alveg indælum kennara og er alveg alsæl með þetta allt saman :)

Annars er bara að verða komin nokkuð góð rútína á þetta allt saman hjá okkur og allt að vera miklu meira "heima" fyrir okkur hérna :) og verður mjög gaman að sýna Gumma og Grétu allt saman þegar þau koma í heimsókn til okkar í lok mánaðarins.

En aftur í bækurnar, því annars er maður búin að missa af hinum krökkunum áður en að maður veit af :)

Þegar tekur að hausta.....

2007-09-11T18:53:00.000+02:00

Já það er ekki laust við það að laufblöðin séu aðbyrja að gulna enda hjólar maður yfir ógrynni af kastaníuhnetum þegar maður hjólar í skólann. En núna erum við búin að vera hérna í 3 vikur og alveg búin að koma okkur yfirr, komin með lögheimili á Kirkigårdsvej og allt. Skólinn virðist ætla að þjóta af stað hjá okkur tveim eftir kynningarvikuna mína og annað húllum hæ.

og nóg af heimaverkefnum komin og nóg að lesa líka, en það er bara gaman að komast í smá rútínu því þá fer þetta að verða meira eins og "heima" en fína íbúðin okkar hjálpar til við að láta okkur líða vel hérna.
Svo er búið að vera Festuge hérna alla síðustu viku og alveg nóg um að vera og skemmtilegheit og alltaf fullt af fólki niðri í bæ (reyndar er alltaf mikið líf niðri í miðbæ enda mjög skemmtilegur miðbær). En í tilefni festuge hélt ein í þýskunni, Cæcilie, partý sem að ég kíkti og var það bara mjög gaman að fara í fyrsta skipti í dansktpartý :)

ég og Alexander á pubcrawl

Á sunnudaginn kom Ási vinur Atla úr HÍ í heimsókn og var mjög gaman að fá hann í heimsókn, en þar sem að við erum svo ný í bænum að við gátum ekki beint sýnt honum alla áhugaverðu staðina hérna í kring en við gerðum samt okkar besta og sýndum honum það litla sem að við vitum um og svo uppgvötuðum við líka nýja hluti eins og hvað dómkirkjan okkar er skemmtilegt og falleg að innan.
Og til sönnunar að Ási hafi komið í heimsókn er þessi mynd af honum við kanalinn.

Svo er ég að fara með skólanum á föstudaginn í Hyttetur, eða ferð þar sem að verður gist í einhverjum bústað/skála hérna rétt hjá og gerum svo eitthvað skemmtilegt saman og komum svo heim á sunnudaginn, verður ábyggilega mjög gaman og gott tækifæri ti að kynnast öllum krökkunum en við erum bara 45, eða það er ekki bara, heima í þýskunni vorum við bara 10. þannig að það er náttúrulega töluvert meira :)

og ein mynd af sófanum okkar sem að við erum alveg hæst ánægð með og er ekkert smá þægilegur :)

og auðvitað verður ein af mögnuðu bananplöntunni okkar að fylgja með en það er einmitt að koma nýtt laufblað á hana í þessum töluðu orðum.

En til að sjá restina af myndunum sem að ég var að setja inn er að fara annaðhvort á myndasíðuna okkar Atla á tenglinum hérna til hliðar eða bara með því að klikka hér

Ein heima....

2007-09-06T20:43:00.001+02:00

já nú er fysta kvöldið mitt sem að ég er ein heima en Atli er á Uni pöbbnum með evrópurfræðinni, og ég sit heima á nýja fína sófanum okkar (ætla að reyna að setja inn myndir um helgina) en áklæðið kom nefnilega á þriðjudaginn og við settum bara sófann saman á klst, við eða aðalega ég hélt að það tæki þó nokkuð lengri tíma þannig að við erum ekkert smá ánægð með að hafa komið honum saman. Þannig að núna getum við sagt að íbúðin okkar sé tilbúin og orðin frekar heimilisleg og manni er svona að byrja að fara að finnast þetta vera "heima".

Annars er ég núna búin að fara í allta tímana sem að ég verð í í vetur og er þetta allt ferlega áhugavert og töluvert áhugaverðara en í háskólanum heima. Skil flesta kennarana þó að ég skilji nú ekki hvert einasta orð en þá skil ég innihaldið og er það alveg nóg til að byrja með, get þá allavegana tekið þátt í kennslustundinni. Svo er ég búin að tala við alla kennarana og segja þeim að ég tali ekki enn alveg dönsku og allir búnir að vera mjög hjálpsamir og skilningsríkir, þó að einn kennarana tali alveg ótrúlega hratt og óskiljanlega og það er einmitt kennarinn í erfiðasta kúrsnum. Svo lítur allt út fyrir að ég komi bara til með að taka 1-2 próf um jólin, kannski bara jafnvel 1, er enn að reyna að komast að því hvort seinna prófið sé núna um jólin eða í sumar en hvað sem að gerist þá fer maður í byrjun des í les frí og að ég held alveg fram í jan og prófin séu ekki fyrr en um miðjan janúar, en ég tek þessu öllu memð fyrirvara því að ég er ekki alveg viss hvort ég sé alltaf að skilja allt sem að er í gangi í tímunum :)

Annars erum við búin í tímum þessa vikuna og ætlum að stússast á morgun, erum að fá bankareikning og annað stúss....annars erum við bara búin að koma okkur fyrir, búin að fá danska kennitölu og erum komin með lögheimili í Århus þannig að núna erum við orðin lögildir íbúar í Danmörku :)

Ætla nú að fara að koma mér í að byrja á skáldsögunni sem að ég á að lesa, nota tækifærið að vera ein heima og lesa svolítinn slatta :)

Fyrsta vikan....

2007-08-31T20:42:00.000+02:00

Já núna erum við búin að vera hérna í rúma viku og það fer að verða þannig hjá okkur að við getum farið að kalla íbúðina okkar heimilið okkar, en þetta er allt að verða flott hjá okkur og Gréta kom meira að segja í mat til okkar í kvöld og fékk hún grænmetissúpu ala Bína.

Var svo að setja inn myndir af íbúðinni og fyrstu dögunum í henni og hvernig það er búið að vera á meðan við erum að koma okkur fyrir en á þessari mynd sést einn veggurinn inni í stofu sem er eiginlega alveg tilbúin, eigum bara eftir að henga hillur á veginn og þá er hann búinn.

Annars ætlum við bara að slappa af þessa helgi því að þetta er búin að vera annasöm vika, ég er búin að vera á kynningarvikunni í skólanum og Atli heima að koma öllu saman og taka til. Svo eigum við svo gott nýtt rúm að við ætlum jafnvel að sofa aðeins út í því í tilefni þess :)

Svo til að skoða myndirnar klikkið annað hvort hér eða farið inn á myndasíðuna okkar Atla og þar inn í DK-myndir.

Flutt að heiman

2007-08-30T20:02:00.000+02:00

já núna erum við skötuhjúin formlega flutt að heiman og komin alla leið til DK Århus....en já við erum sem sagt komin í nýju íbúðina okkar og erum búin að vera hérna í viku og líkar ekkert smá vel, erum heldur betur ánægð með íbúðina og staðsetningin á henni er frábær, stutt í allt sem að maður gæti hugsanlega þurft.

Ég er svo búin að vera á kynningarviku í skólanum alla þessa viku og búið að vera mjög skemmtilegt og áhugavert, svo byrjar bara skólinn af alvöru á þriðjudaginn. Atli fer á kynningardag á mánudaginn og byrjar svo líka á þriðjudaginn.

annars er allt á fullu hjá okkur að koma okkur fyirr og gengur mjög vel, þetta er alveg að verða heimili og við eigum ekki von á neinu öðru en að við komum til með eiga góðar stundir hérna í litlu íbúðinni okkarm sem að er ekki svo lítil þegar maður er að koma úr 34 fermetrum.......

en svo ef að einhver vill senda okkur póst búm við núna hérna:
Kirkegårdsvej 10C st. lejh 3
8000 Århus C

og síminn minn er: +4541159515 og Atla +4541159520

en ætla að halda áfram að taka til hérna heima hjá okkur og gera allt kósý :)

Pökkun og slökkvuliðið....

2007-08-07T15:03:00.000+02:00

já þegar þið lesið titilinn haldið þið kannski að mér hafi loksins tekist að kveikja í húsinu mínu, en það hefur mér ekki enn tekist þrátt fyrir ítrekaðar tilraunir til þess. En ég gerðist nú svo fræg um helgina að fá einkatúr um Slökkvuliðsstöðina í Hafnarfirðinum.

En til að útskýra þetta betur þá hefur mig dreymt um það síðan að ég var lítil að fá að setjast upp í slökkvuliðsbíl og hef lengi vel ætlað að fara á opin dag hjá slökkvuliðinu en aldrei komið mér í það annað hvort vegna anna eða bara hreinlega ekki tekið eftir tilkynningunni um hinn umrædda dag. En í þetta sinn snérist mér allt í hag þegar ég uppgvötaði að pabbi hans Atla vinnur hjá slökkvuliðinu og hafði ég lengi vel ætlað mér að falast eftir því að fá að koma í heimsókn og kíkja á allt hjá þeim, en gleymdi því auðvitað eins og flestu, en þá kom Atli sterkur inn sem er nú oftast gleymnari en ég og kom mér á óvart með því að muna eftir því að spurja pabba sinn á fótboltaleik um daginn hvort ég mætti koma og kíkja á stöðina.

En þetta endaði sem sagt á því að í gær fékk ég að fara og skoða stöðina og allt sem að er þar inni, fara upp í sjúkrabíl ( sem að ég hef sem betur fer aldrei þurft að gera hingað til) og skoða allt sem þar inni er og setjast við stýrið á Slökkvubíl og svo í farþegarsætið og fá smá túr á honum. En rúsínan í pylsuendanum ( hef aldrei áttað mig á því hvernig eitthvað eftirsótt sé líkt við rúsínu í pylusendanum, ég yrði ekki hress ef að það væri rúsína í pylsunni minni) var sú að ég fékk að sprauta úr brunaslöngu sem að var tengd við slökkvuliðsbílin, og þvílíkur kraftur og skemmtun, varð eins og lítið leikskólabarn þarna og ekki skemmdi það fyrir þegar ein slangan var tengd við "brunahanann" inni á stöðinni....þar var sko kraftur á ferð, maður varð að setja sig í stellingar ef að maður ætlaði að ráða við slönguna.

En því miður klikkuðum við og gleymdum myndavélinni heima þannig að ég verð að fá að koma aftur í heimsókn á slökkvuliðsstöðina í Hafnarfirðinum næsta sumar til að það séu nú til myndir af mér að leik með brunaslöngslöngu :)

En flutningur ágúst 2007 er í fullum gangi, fórum með tæpan rúmmeter frá okkur og svipað frá Grétu til Samskip þar sem að öllu var skellt á bretti og plastað inn, tryggt, skrifa undir og sent af stað og á þetta að vera komið 17.ágúst til Árósa og tilbúið til senda heim að dyrum 22., 23. ágúst! þannig að núna heldur pökkunin áfram þar sem að allt þarf að vera klárt svo að Sabrina geti flutt inn þegar við flytjum út og er ég hvorki meira né minna en búin að tæma fataskápana okkar, hljómar kannski ekki sem stórafrek en trúið mér það er gott betur en það :) þannig að núna eru það bara nokkrar skúffur eftir og þá er þetta bara allt að verða komið og við tilbúin til að flytja, enda bara 15 dagar í stóra daginn í dag og ég á bara 6 vinnudaga eftir sem að er afar ánægjulegt

en svo er að bara að njóta sumarsins á meðan það varir því að það er heldur betur búið að líða hratt og ef að við erum heppin þá fáum við framlenginu á sumrinu þegar við komum út :)

Århus hér komum við.....

2007-08-01T14:40:00.000+02:00

Já núna er það orðið staðfest að við erum bæði að fara í skóla í haust í Árósum eins og stefnt var að en erum núna bæði búin að fá bréf þess efnis að við séum komin inn í skólann, ég í þýskuna og Atli í evrópufræðina. En ég var sem sagt að fá staðfestingarbréfið í dag þó að ég hefi séð þetta á netinu á laugardaginn er það aldrei eins og þegar maður er kominn með staðfestingarbréfið í hendurnar :)

Þannig að núna verður gefið í að pakka og öllu k omið í gám á föstudaginn og þá er mesta stressið búið og hægt að njóta tímans sem eftir er hérna heima áður en að maður flýgur úr hreiðrinu :) svo á ég bara 7-8 vinnudaga eftir ( fer eftir því hvort ég hætti degi fyrr ef að það er mikið eftir að gera) þannig að sumarið er samkvæmt því bara eiginlega alveg búið...búið að líða ákaflega hratt...veit eiginlega ekki hvað varð af sumarinu, en sem betur fer eru spennandi verkefni framundan :)

Annars er ég ein af þeim sem að les Harry Potter og núna er ég með nýjustu bókina í höndunum og er að lesa hana og bíð spennt eftir því að komast að því hvernig hún endar....ætli ég verði fyrir því sem að sálfræðingar erlendis hafa verið að vara foreldra við, að börnin upplifi svipuð sorgar viðbrögð og þegar ættingi deyr þegar þeir hafa lokið við bókina....

á ekki von á því....er bara bók, en samt sem áður mjög spennandi bók.....

ætla þess venga að halda áfram að lesa og komast að því......

Afmæli, lögreglan og níðstöng.....

2007-07-16T13:12:00.000+02:00

já það var margt skemmtilegt sem að gerðist heima hjá mér um helgina, Atli varð sem sagt 25 ára gamall í gær og ákvöðum við þess vegna að fagna því á laugardaginn ásamt vinum og vandamönnum. Byrjaði þetta allt saman á grilli fyrir fjölskylduna hans Atla og mína. Buðum upp á margt gott og skemmtilegt og gekk þetta bara allt eins og í sögu, þó sérstaklega sérbökuðu pylsubrauðin sem að við keyptum, sko nóg pláss í þeim til að setja hvað sem er á pullurnar. Svo um kvöldið var Atli búinn að bjóða nokkrum vel völdum vinum í smá gleðskap og ég gleymi náttúrulega að taka það fram að allt þetta var haldið úti á flotta pallinum okkar sem að Atli og pabbi eru búnir að leggja mjög mikla vinnu í. Við slógum upp borðum og náðum í útilegu stóla og fólkið fór svo að týnast inn (út á pall). Sumir voru eftir úr grillinu til að vera með í partýinu og var bara mjög góð mæting í partýið og mikið helgið, dansað og sungið. Við vorum svo rosalega heppin að það var svona rosalega gott veður og gátum við þess vegna verið lengi úti á palli að skemmta okkur, en ekkert samt fram úr góðu hófi enda góður hópur saman kominn. En það er greinilega meira sem berst af hljóði en að við höfum gert ráð fyrir því að við erum úti á palli og ég heyri einhvern segja "löggan er komin" og ég fer bara að hlægja enda fannst mér það bara alveg út í hött enda enginn læti í okkur, tónlistin meira að segja bara mjög lág, en ég sný mér við og viti menn standa ekki bara 4 lögregluþjónar þarna fyrir utan og vilja fá að tala við húsráðendur, mér fannst þetta nú svo fyndið að ég gat varla labbað upp til að gefa mig fram að mamma og pabbi urðu á undan mér og lögreglan varð hálf kindarleg þegar hún gerði sér grein fyrir því að þetta var ekki eftirlitslaust unglingapartý heldur voru allir nema Íska sem að var með mömmu sinni þarna og Anja sem að verður 20 ára í nóvember yfir tvítugt og allir húsráðendur heima, þeir voru nú mjög almennilegir og ekkert að sakast við þá, en það voru víst fleiri en einn nágranni okkar búinn að kvarta undan okkur. Þannig að það tók okkur 16 ár til að fá lögguna heim á hlað (þá tel ég ekki með þegar pabbi kveikti í eldhúsinu og þegar löggan spurði hann hvort hann væri húsráðandi sagði hann bara "ekki lengur") en við erum sem sagt búin að búa á Álfhólsveginum í 16 ár núna í byrjun mánaðrarins.

En sagan er ekki búin enn, enda var þetta bara um klukkan 1 sem að löggan kom, ég er nú ekki alveg viss hver átti upptökin, en ég veit að Halldór, Tryggvi og pabbi voru allavegna með í þessu öllu saman. Einhver fékk sem sagt þá hugmynd að reisa svo kallaða níðstöng. Núna geri ég ráð fyrir því að allir lesendur viti ekki alveg hvað níðstöng er en það er þar til gerð stöng sem að er reist á hlaði hjá einhverjum til að eyðileggja mannorð bóndans á þeim bæ, og ofan á stöngina var sett hestshöfuð, við áttum nú ekkert hestshöfuð á lausu svo að Dóri tók að sér að teikna hest á plastpoka og setja á stöngina, tókst misvel þessi hestshaus. En við reistum stöngina í okkar garði ekki til þess að eyðileggja mannorð okkar heldur nágrannana en við vitum bara ekki nákvæmlega hvaða nágrannar kvörtuðu, gæti verið kallinn sem að ég hvæsti á um daginn þegar hann blokkaði alla götuna og ég þurfti að komast framhjá og hann gerði sig ekkert líklegan til að færa sig....spurning um karma. En þeir piltar sem að voru úti í garði voru þarna komnir með spýtu frá pabba og kominir með hellu til að reka þetta niður, sem að þýðir að pabbi minn hefur farið inn í bílskúr og leitað að hentugu efni til að reisa níðstöng úr og hjálpað þeim að reka hana niður og viti menn þar stendur hún enn.

Þá er niðurstaða þessara bloggs að hver getur sagt það á einni helgi hafi komið fjórir lögregluþjónar heim til ykkar og níðstöng reist í garðinum.

En óska honum Atla mínum til hamingju með daginn í gær og þakka öllum sem að áttu leið hjá um helgina fyrir góða skemmtun og lögreglunni líka en ekki nágrönnunum sem að kvörtuðu undan okkur.

plömmer og krikket...

2007-07-12T15:10:00.000+02:00

Já nú hef ég sko sögu að segja ykkur.....ég vinn nú á karlavinnustað og er eini kvennamaðurinn í húsinu og sé þess vegna frá skemmtilegu sjónarhorni hvernig karlmenn hegða sér á vinnustað þar sem að sjaldgæft er að konur séu......besta dæmið finnst mér um að hvernig sumir karlmenn geti ekki hisjað upp um sig nærbuxurnar (er ekki þannig að mér finnist allir þurfa að vera keflaði upp í mitti) og er áberandi hvað þetta er meira hjá strákum á mínum aldri frekar en hjá köllunum 40 og eldri, en einn og einn af þeim flækist samt með.....en ég tek eftir þessu þegar ég fer í mat og er bara að reyna að borða og njóta matarins og spjalla við borðfélaga mína að þegar hinir og þessir eru að standa upp blasir ekki bara plumberinn við manni heldur kannski hálfur rassinn...frekar óskemmtilegt þegar maður er að borða......þá fór ég að pæla, ætli þeir taki bara ekki eftir þessu, hlítur að vera að fólk myndi annar kippa buxunum eins og aðeins upp. Þannig að mér finnst að það ætti að vera hægt að kaupa nærur með belti fyrir fólk, ekki það að maður hafi á móti því ef að maður rekur augun í sætan rass, þá er það ekkert skemmtilegt þegar maður er að borða matinn sinn. úff, varð að létta á mér því að þetta sem sagt blasti við mér í hádeginu í gær.

En að krikketinu. Ég og Atli festum kaup á garðakrikketsetti ( er ekki að tala um krokket sem að Íslendingar spila í görðunum sínum) sem að er minni og mýkri útgáfa af áströlsku krikketi (held nú samt að það sé frekar upprunið í Bretlandi en ég lærði það allavegana í Ástrlíu) og við sem sagt pökkuðum þessu vel og vandlega og sendum þetta í sjópósti og ólíkt hinum pakkanum sem að við sendum með flugi þá fór þessi beinustu leið til Íslands, en hinn fór sem sagt fyrst til Írlands og þaðan aftur til Ástralíu áður en að hann rataði heim okkur til mismikillar ánægju, og nú þar sem að það er komið sumar tókum við kylfurnar upp og byrjuðum að spila. Og núna erum við sem sagt búin að finna út úr því að bakgarðurinn heima í Kópavogi er þessi fínasti krikketvöllur og spiluðum leik, ég, Atli, Gummi, Gréta og Anja og sömdum þessar góður reglur til að falla að garðinum. Þannig að ef einhver þorir erum við til í leik í bakgarðinum.

Vinnuvikan alveg að verða búin enda fljúga dagarnir áfram núna sem aldrei fyrr og maður þarf að fara að hugsa, en ætla að geyma það fram yfir helgi og fagna afmælinu hans Atla míns með honum og vinum okkar og fjölskyldu.

Verður hún að játa sig sigraða....

2007-07-10T12:35:00.000+02:00

nei ég ætla nú ekki að játa mig sigraða, en það gerðist í fyrsta skiptið síðan að ég ákvað að reyna að borða allt og hætta að mestu allri matvendni þá klessti ég á vegg í gær. Hérna í vinnunni er fiskur 2x í viku og annað skiptið er alltaf á fimmtudögum og hitt annað hvort á mánudögum eða þriðjudögum og lenti það á mánudegi í þessari viku. Ég hef hingað til verið mjög hrifin af fisknum hérna og til dæmis fengum við ýsu í orlídeigi á fimmtudaginn í seinustu viku og var ekkert smá gott þannig að ég hef alls ekki verið smeik við að prófa fiskinn hérna. En allt kom fyrir ekkert, í gær var boðið upp á tvennskonar fisk, soðinn og fiskrétt, þeir sem að þekkja mig eitthvað þá vita þeir að soðinn fiskur er eitthvað það minnst spennandi sem að ég fæ, minnist þess að koma heim sársvöng af handboltaæfingu og langa í eitthvað massívt og vel mettandi helst eins og hakk og spaghetti eða í þeim dúr og maður opnaði útidyrahurðina eftir að hafa labbað heim í snjó upp að hnjám og lyktin sem að mætir manni er af soðinni ýsu.....úff erfiðar stundir.
En svo ég haldi nú áfram með fiskisöguna ákvað ég þess vegna alveg róleg að fá mér fiskréttinn sem að var með gulleitir sósu, svo voru það bara soðnar kartöflur eins og oft áður og aðeins grænmeti......svo labba ég að borðinu mínu og um leið fer aðeins að horfa á fiskinn á disknum mínum og finnst hann eitthvað skrítinn en hætti að hugsa um það og óska borðfélögum mínum þess að þeim verði að góðu og sestu sjálf niður og geri mig klára til að smakka fiskinn.......ætla að skera mér bita en fiskurinn losnar ekki í sundur eins og svona fiskur er nú vanur að gera og verð ég þá vör við að það er eins og einhver gúmmíhúð utan á hverjum bita og fer þá að lykta aðeins betur af þessu og sé glott á öllu á borðinu mínu en þá höfðu þeir ekki lagt í að fá sér fiskréttinn, lyktin verður þá sterkari og rétturinn ógirnilegri og endaði að glottið hjá hinum breyttist í grettu og ógleðistilfining hjá mér gerði vart við sig við tilhugsunina að smakka þetta og varð endirinn á þessu öllu saman að rétturinn fékk að fjúka og Atli kom með pastabakka handa mér þegar hann fór í mat........

átti samt æðislega helgi...fór norður....manni líður alltaf vel þegar maður er komin norður í Eyjafjörð, svo á laugardeginum var bara eintóm leti, ég, Atli og Gréta skelltum okkur í nýju sundlaugina að Hrafnagili og fórum svo beint heim í hamborgarahrygg sem að var æði.....annars var bumbuboltinn á Akureyrarvelli ekki jafn spennandi en skipti engu máli því ég fékk soðið slátur á sunnudeginum og nægir það til að halda mér í góðu skapi alla vikuna :)

og núna er bara farið að styttast í að allt þurfi að fara á stað út af flutninginum, Gréta sæta komin inn í Árósum og var skálað fyrir því. En næst á dagskrá er að hjálpa Atla yfir hálffimmtugs þröskuldinn........

Bílar....

2007-06-25T13:48:00.000+02:00

ég held barasta að ég sé fegin að vera að fara sem lengst í burtu frá því að hugsa um bíla eða keyra þá.....já nei ég var ekki að klessa annan bíl...er alveg búin með kvótann, en var sem sagt að fara í vinnuna eftir að hafa ekki verið í vinnunni á mið, fim og föstudaginn og þá er maður náttúrulega ekki að mæta of seint (ég mæti reyndar aldrei of seint) en ég var sem sagt tilbúin frekra senmma í morgun þar sem að Atli hefur tileinkað sér það að kremja mig upp við vegg á morgnana þannig að ég var bara vöknuð áður en að vekjarinn hringdi og fór á fætur glaðvakandi og bara tilbúin á mettíma, komsjálfri mér á óvart.....

svo var bara komið að því að skoppa út í bíl eftir að hafa komið við uppi til að ná í skyr og banana.....setjumst inn í vinnubílinn hans Atla og næstum því áður en að hann reyndi að starta bílnum kemur frá honum "bílinn er rafmagnslaus", sé ég þá mér til lítillar skemmtunar að greyið hann Atli minn hafði gleymt því að slökkva á ljósunum þegar hann var að keyra bílinn seinast....ekki dóum við þá ráðalaus, enda enn á góðum tíma og var pirringurinn lagður til hliðar í bili og hentst inn að ná í lykla af jeppanum því við vissum að þar væru startkapplar....eftir smá moj við að snúa jeppanum rétt svo að kapplarnir myndu ná á milli var ekkert eftir nema að tengja þá og starta bílunum......Atli tengdi kapplana og ég setst inn í jeppann og starta....Atli inni vinnubílinn og við búumst við ekki við öðru en að hann starti þar sem að hann var tengdur við jeppann....en allt kemur fyrir ekkert en að bílinn gerir tilraun til að starta en hljómaði eins og við værum að pína hann til að kasta upp bensíninu sem að fór seinast inn á vélina.....það var bara engan veginn neitt að fara að gerast....

Á þessum tímapunkti var farið að bera á pirringi...veit ekki hvort það var meira hjá mér að verða of sein í vinnuna eða Atla út í sjálfan sig að hafa gleymt ljósunum....bæði hringdum við til að láta vita að við kæmum eitthvað of seint í vinnuna út af bílaveseni (og ég er búin að taka veikindadag út af bíl síðan að ég byrjaði að vinna hérna...ekki gott) en allir voða skilningsríkir þannig að ekki jók það á pirringin.....nú var ekkert annað í myndinni en að rífa pabba upp úr rúminu (klukkan var ný orðin 7 þarna) og aumingja kallin hendir sér fram úr til að kíkja á þetta hjá okkur....hann kemur út og reynir það sema ð við vorum búin að reyna en ekkert gerðist hjá honum frekar en hjá okkur....enda niðurstaðan var þá að draga bílinn í gang....pabbi vippar kaðli í báða bíla og leggur af stað...ég rétt næ að hoppa upp í vinnubílinn áður en að hann fer af stað og við komust á ágætis ferð og Atli reynir að koma bílnum af stað en ekkert gerist...byrjum að fyllast panikki og þegar Atli reynir í þriðja skiptið hrekkur bílinn í gang og brjótast út fagnaðarlæti og geðveikislegur hlátur eins og okkur hefði tekist að lífga Frankenstein við án nokkurrar hjálpar frá almættinu.....

því lík gleði og ég mætti bara 10 mín of seint í vinnuna....

Gleðilegan kvennréttindardag!

2007-06-19T13:04:00.000+02:00

já til hamingju með daginn öll sömul :)

ætlaði að setja einhverja sæta mynd hérna með einhverju bleiku á í tilefni dagsins og fannst þessi skemmtileg. Annars er bara góður dagur, gott veður, gott skap og tónleikar í kvöld, allt gott nema að Atli kallinn liggur veikur heima.

Leiðindi....

2007-06-14T16:36:00.000+02:00

ótrúlegt hvað það getur verið erfitt að gera manni til geðs.....núna t.d. hef ég haft alveg temmilega mikið að gera í vinnunni í dag og ætti þess vegna ekkert að vera að kvarta en finn samt innra með mér að mig langar að kvarta undan því að mér leiðist....alveg ótrúlegt...en svo er ég búin að fatta afhverju mér leiðist, þó það hafi verið nóg af símhringjingum í mig í dag þá eru kallarnir sem að eru að vinna með mér ekki búinir að vera að koma í heimsókn til mín í dag og verkstjórarnir sem að eiga skrifstofu hérna hliðina á mér eru búinir að vera úti í allan dag! þannig að ég komst að þeirri niðurstöðu að þetta eru bara hinir fínustu kallar (ekki það að ég hafi nú samt sem áður haldið neinu öðru fram). En mér tóks sem sagt samt að sofna hérna áðan og var á barmi þess að slefa, og þá fór ég að pæla í því að slefa í svefni.

Hafið þið ekki upplifað það að sofna uppi í sófa á miðjum degi og gómað ykkur við að vera að slefa all duglega, og einvhern veginn er maður ekkert smá vel sofinn eftir vel slefaðan blund, afhverju ætli það sé?

En já ég átti sem sagt afmæli í gær og takk til allra sem að hringdu, sendu sms eða töluðu við mig á skype í gær og takk fyrir afmælisgjafirnar :) og svo er það bara útilega á morgun með Grétu og danska vini hennar og svo afmælishátíð AFS á laugardaginn :)

Matvönd...

2007-06-04T14:49:00.000+02:00

já eins og flestir vita sem að þekkja mig vel, er hve frekar matvönd ég get verið (ekki þannig samt að ég slái Aldís út) en ég get verið ansi erfið með hvað mér finnst gott. Ég ætla nú ekki að fara að telja allt upp sem að mér finnst ekki gott því það yrði allt of langur listi, en ég er sem sagt í missioni núna að útrýma matvendni minni að mestu leyti (sumt ætla ég bara hreinlega ekki að reyna að borða eins og heitur ananas eða heitir tómatar) og vill svo vel til að ég vinn á þannig vinnustað að ég fæ heitan mat í hádeginu. Og þar sem að þetta er áhaldahús Hafnarfjarðar vinnur að mestu leiti fullorðnir karlmenn eða strákar og er maturinn í samræmi við það, lambakótelettur, grjónagrautur og nautagúllas og allt í þá áttina og alls ekki pasta því að það fær ekki þann heiður hérna til að kallast matur.

en já ég er sem sagt núna alltaf í hádeginu að reyna að borða mat sem að mér finnst ekki sérlega góður og getur þetta verði skrítin og jafn framt misgóð lífsreynsla sessunautum mínum til mikillar ánægju.

en já ég stefni sem sagt á eftir þetta sumar að vera búin að minnka matvendni mína niður um helming!

Íbúð....

2007-05-31T12:24:00.000+02:00

já við erum svo gott sem komin með íbúð...erum reyndar ekki búin að skrifa undir leigusamningin þar sem að hann er enn á leiðinni til okkar í pósti en hann ætti að koma á morgun eða mánudaginn vonandi :) og þá er bara að skrifa undir og við getum þá sagt að við séum búin að leigja íbúð :) en þetta er voðalega sæt íbúð sem að er bara verið að byggja núna og er á m illi 60-65 fermetrar, alveg glæný þar sem að það er verið að byggja húsið sem að hún er í núna og er hún með þessa rosalega flottu staðsetningu en hún er hvorki meira né minna en 400m frá Háskólanum og 600m frá miðbænum. Þannig að þetta er alveg drauma staðsetning fyrir okkur og öll þjónusta bara liggur við í næsta húsi :) svo fylgir ísskápur, þvottavél og þurrkari þannig að þetta er voðalega fínt, lúxus ða geta þvegið þegar maður vill en ekki þurfa að fara í sameiginlegt þvottahús og jafn vel þurfa að panta tíma fyrir fram til að þvo, heldur getur maður bara skellt í vélina þegar manni hentar. Íbúðin er á jarðhæð en fylgja samt voðalega sætar svalir og snýr stofuglugginn út í garð þannig að það eru engir bílar að keyra framhjá stofuglugganum okkar sjáum bar aút í garð og í næsta hús sem að er alveg eins og okkar og líka í leigu frá sama leigufyrirtækinu :)

Þannig að við erum bara alsæl með þetta allt saman og líka búin að panta flug út 22. ágúst þannig að þetta fer bara allt að skella á áður en að við vitum af :) en eins og ég segi þá er þetta þvílíkur léttir að vera komin með almennilegt húsnæði þar sem að við sáum fram á það að það væri enginn séns fyrir okkur að komast inn á kollegie þó svo að við höfu sótt um um leið og við gátum (máttum, maður má bara sækja um 6 mán. áður en að nám hefst) þá erum við bara ekki á leiðinni að fá neitt þar og eina sem að við hefðum kannski geta fengið var íbúð upp á 34 fermetra eins og við erum í núna og svo langt í burtu að við hefðum þurft að borga 10.000-13.000 kr. í strætó og þá þegar uppi hefði verið staðið hefði það ekkert verið ódýrar en að búa þar sem að við erum að fara að búa, ekki það að við hefðu fengið þessa litlu íbúð hvort eð er en allavegana er ekkert dýrara að vera á Kirkegårdsvej 10 8000 Århus.

en finn hvernig eftirsjáin að hafa ekki tekið því að vinna úti í sumar er að byggjast upp í mér þegar ég horfi á hitamælinn hérna hliðina á mér rísa smám saman og vita að Atli fær að vera úti í þessu góða veðri, hann verður allavegana ekki brúnni en ég þó, greyið brennur bara, en nóg að mamma og pabbi séu að koma heim í kvöld og ég þori eiginlega að veðja upp á það að hann pabbi er orðinn súkkulaði brúnn. Ég verð bara að fara eftir vinnu út í garð að vinna og reyna að ná mér í seinustu sólargeislana til að næra húðina mína.

Innblástur...

2007-05-29T17:11:00.000+02:00

ég sem að hélt að þegar ég myndi byrja í þessari vinnu að innblásturinn myndi leika við mig þar sem að ég sit við tölvu allan daginn og hef alveg nógu lítið að gera að ég gæti skrifað tveggja bls. ritgerðar blogg á hverjum degi, en allt kom fyrir ekkert og mín er bara tóm. Kannski er það vegna þess að það gerist ekkert hjá mér í vinnunni sem að skemmtilegt er frá að segja, því að símtölin sem að ég á á daginn eru aðalega kvartanir um vonda sorphirðu, ekki búið að sækja garðaúrgang og svo baraéintómt væl. Inn á milli koma þó allt í lagi símtöl þar sem að fólk er afar kurteist og er eingöngu að leita sér upplýsingar um eitthvða sem að gæti varðað bæinn og verð ég þá að taka ákvörðun um það hvert ég á að vísa fóki og hvort það varði okkur yfir höfðu.

En meginpunkturinn er sá að ég hef ekki orðið fyrir innblæstri af neinu viti en hef aftur á móti lært að láta mér vera alveg sama þó fólk æpi á mig í símann út af einhverju sem að hvorki ég né verkstjórarnir í kringum mig geta ráðið við, eins og til dæmis hvað það er mikið af mávum út um allt og annað jafn gáfulegt ( fann reyndar út seinna afhverju það voru svona margir mávar en maðurinn sem að kvartaði var ekki m eð neina ástæðu, hann vildi bar aað við sæjum til þess að það væru færri mávar).

Svo get ég náttúrulega notað þessa færslu til að röfla líka í fólki sem að getur engu breytt og verið næstum því eins og fólkið sem að hringir oft í mig. En fór í Bónus í gær sem að er nú ekki frásögu færandi nema hvað mér blöskraði verðið á matvörunni enn o gaftur og jafn vel meira en venjulega. Nú þar sem að maður hefur verlsað í matinn í hinum ýmsu löndum er það aldrei jafn slæmt og hérna heima. Maður myndi svo ætla þar sem að það sé svona dýrt að versla í matinn hérna heima að úrvalið væri þá í samræmi við það og maður hefði úr svo mörgu að velja að maður væri bara í vandræðum. Held nú ekki að það sé vandamál sem að við Íslendingar þurfum að hafa áhyggjur af, það er ekkert verið að flækja hlutina eins og láta mann þurfa að velja milli nokkurra prýðilegra vara. Maður velur það sem að er til og lætur svo svíða í sárið þegar maður réttir debetkortið til afgreiðslufólksins ( sem er nú reyndar almennilegt og ekki hægt að kenna því um neitt) og talan er sögð upphátt og maður hugsar með sér, ég hefði geta farið með börnin til tannlæknis fyrir þennan aur ( ekki það að ég hugsi það en myndi kannski hugsa það ef að e´g væri í þeirri aðstöðu).

jæja núna er ég búin að fá útrás fyrir mínu röfli, ótrúlegt hvað það er samt hægt að röfla út af mörgu og ég held bara að ég hefði getað kvartað út af einhverju mun ómerkilegra en þetta!

Kannski ætti maður bara ekkert að vera að röfla yfir höfuð, fara kannski bara á Laddasýninguna og hlægja bara duglega, það ætla ég allavegana að gera á laugardaginn :)

og það snjóar.....

2007-05-21T16:48:00.000+02:00

já það er svona frekar fúlt að horfa út um gluggan akkúrat núna þar sem að það snjóra alveg heila helling eins og er....þá verður manni bara hugsað til þess að búa í Þýskalandi, Svíþjóð eða einhverju álíka stöðum, og sé ekki talað um Danmörku þar sem ég fékk sms frá Grétu í morgun um að hún hafi verið bara í pilsi og hlýrabol að rölta niður strikið. Þar rakst hún bara á Sigrúnu og ég sé það núna að maður þarf bara að flýja land til að fá að hitta kelluna ;) hehe

Svo er það nú þannig að ég er mikið ein hérna á meðan kallarnir eru kannski á fundum og ekkert með það nem hvað ég sat hérna áðan í mestu makindum mínum...lítið búið að vera að gera og svona og byrja allt í einu að heyra einhvern skrítin andardrátt hérna, svona frekar óhugnalegan og mér var nú ekki farið að verða alveg sama ende ekki heyrt neinn koma inn og þetta var frekar ómanneskjulegur andardráttur en svo skíst allt í einu eitthvð fyrir skrifborðsendann hjá mér og viti menn ( eftir að ég var búin að jafna mig af hjartaáfallinu sem að ég fékk) að þetta var þessi fínasti gulu labrador hundur.....þá á einn af köllunum hérna hundin og hafí ahnn með sér og hafði hann bara farið á flakk um húsið....frekar fyndið að lenda í þessu.

Bingó!!

2007-05-18T16:21:00.000+02:00

já það kemur nú ekki oft fyrir að ég vinni eitthvað í bingói en það gerðist samt sem áður í dag.....en það er nú þannig að á hverjum föstudegi er bingó hérna í hádeginu, ég auðvita tók þátt eins og aðrir og borgaði 100kr. svo var bara borðað og strax á eftir byrjað á bingóinu.....en er spilað upp á heils spjald. Svo bara áður en að ég veit af þá er ég komin með bingó! og ég fer þess vegna heim með kippu af Faxe bjór :)

en á föstudögum kem ég til með að vinna bara til hálffjögur en í dag þarf ég að fara beint að vinna á Hrafnistu en ég á sem sagt eina helgarvakt eftir þar og klára hana um helgina. Er alveg viss um að e´g verði alveg útkeyrð eftir þetta allt saman.

en annars er bara enn fínt í nýju vinnunni og svo annað kvöld er ég að fara á Goran Brekovtij eða hvernig sem það er skrifað, en mútta fékk miða á tónleikana fyrir tvo þannig að ég ætla að skella mér með henni og fáum við meira að sejga að fara með baksviðs og allt ! flottar á því.

annar dagur í nýrri vinnu....

2007-05-16T16:49:00.000+02:00

já núna er ég að verða búin að vinna 2 vinnudaga hérna í þjónustumiðstöðinni og er bara alveg ágætt að vera hérna.....ekkert stress eða neitt en er samt búin að lenda í nokkrum símtölum sem að ég hef ekekrt ivtað hvað ég á að segja en hef fundið út úr því eða fleygt símanum í einhvern annan......fékk meira að segja fyrsta kvörtunar símtalið þar sem að ég var skömmuð í húð og hár fyrir eitthvað sem að ég hef ekkert komið nálægt en leyfði kallinum bara að pústa....

svo þar sem að ég hef nú ágætis tíma til að kanna heim internetsins mæli ég með því að ef að fólk hefur tíma til að vera að dunda sér á netinu að kíkja á www.wikipedia.org og skoða síðu um nefapann eða Proboscis Monkey sem er alveg stórmerkilegt dýr......ég sá nefnilega heimildarþátt um hann á RÚV á mánudaginn og skemmti mér alveg svona ótrúlega vel og hlóg alveg eins og hestur....endilega skoðið þetta furðukvikindi.

annars var ég bara að fatta að það er uppstigningardagur á morgun og það er bara frí :) ekki verra að fá frí á morgun þar sem að ég er að vinna alla helgina á Hrafnistu seinustu vaktirnar mínar þar...frekar sorglegt því að maður er búin að kynnast heimilisfólkinu svo vel að manni er farið að þykja vænt u mþað og maður á bara hreinlega eftir að sakna þess að vera að spjalla við það.....

en þar sem að ég á enn eftir 2 tíma af vinnu ætla ég að fara og láta leið mína liggja eitthvert sniðugt á netinu og jafnvel finna eitthvað skemmtilegra en nefapann.....

Fyrsti vinnudagurinn......

2007-05-15T15:16:00.000+02:00

já ég er komin í nýja vinnu.....ég er orðin afgreiðsludöma í Þjónustumiðstöð Hafnarfjarðar og kem til með að sitja hérna í rólegheitunum í sumar að svara í síma og svona hitt og þetta......á bera eina helgarvakt eftir á Hrafnistu og svo er ég bara hætt þar og kem þess vegna til með að vera í fríi allar helgar í sumar sem að þýðir það að maður getur kítk eins og í eina eða tvær útilegur :)

annars er bara allt við það sama í litlu íbúðinni í Kópavoginum....bara vinna, vinna o g aftur vinna.....erum byrjuð að plana fluttningin til Århus í ágúst og ekki frá því að það sé farið að votta fyrir smá tilhlökkun hjá okkur að byrja á einhverju nýju og skemmtilegu :)

en ég á örugglega eftir að blogga meira núna en upp á síðkastið þar sem að ég sit við tölvu allan daginn og mismikið að gera hjá manni :)

jæja....

2007-04-07T20:10:00.000+02:00

já þá er ég víst komin heim....eða já það er alveg að verða komin mánuður síðan en hef ekki komið mér í það að blogga......en eftir frábæra ferð var bara farið í það að vinna og ég er bara farin að vinna á Hrafnistu í Hafnarfjarðarfirði í góðum gír.......bíllinn okkar dó svo þannig að við erum búin að vera bíllaus í svolítin tíma en erum að fara að drífa í því að redda okkur nýjum bíl....annars er það bara eins og ég sagði vinna hjá bæði mér og Atla allavegna svona í bili.....

Gleðlega páska :)

31 klst

2007-01-08T00:27:00.000+01:00

já það eru aðeins 31 ein klukkustund þangað til að ég og Atli förum í loftið til London !!! smá fiðringur kominn í magan!!!

en á meðan við erum úti ætlum við að blogga á nýja síðu en slóðin á hana er www.iburtu.blogspot.com eða bara með því að klikka Hér

6 dagar í brottför...

2007-01-03T02:16:00.000+01:00

já þetta er bara að skella á okkur....við erum bara rétt ófarin...Atli er að leggja lokahönd á BA-ritgerðina sína í Sagnfræði sem að hann stefnir á að vera búin að skila inn á skrifstofu Hugvísndardeildar háskóla Íslands......er núna að halda mér vakandi með honum svo að hann sofni nú örugglega ekki yfir þessu og hef tekið mér fyrir hendur að taka til í íbúðinni okkar svo að ég dotti nú ekki frekar en Atli.......freyðivínsflaskan er komin í kæli ;)
en auðvita er lítið annað mér í huga en litla heimsreisan mín sem að ég legg upp í á þriðjudaginn í næstu viku, hundsnemma um morgunin. London fyrst og svo hin framandi Bangkok......og síðast en ekki síst Ástralía :) úff ekki slæmt að losna við þunglyndið þegar jólaljósin fara niður og allt verður dimmt aftur.....þá verð ég bara í sóla og sumari þá samdi ég þetta lag, fuglarnir sungu....
en ég stefni nú á að reyna að eitthvað dugleg við að setja inn eins og nokkrar línur á meðan við erum úti svo þið fáið nú að fylgjast aðeins með hvað það er gaman hjá okkur :)

fór svo út að borða með Lilju og Hildi, óurlega sætar og myndarlegar stelpur, bara svona ef að það hefði farið fram hjá ykkur ;) en við skruppum á Vegó og borðuðum góðan mat þar...enda lítið annað hægt þar sem maturinn þar er bara ótrúlega góður.......gott að fá venjulegan mat svona eftir hátíðirnar þar sem maður innbyrgðir allt of mikið af þungum og reyktum mat....

en ætla að henda í þvottavél á meðan ég er að bíða eftir því að Atli geti skriðið upp í rúm.....

Jól og aftur Jól

2006-12-26T23:22:00.000+01:00

bara rétt að óska ykkur gleðilegra jóla og minna á að ég er að fara út eftir aðeins 13 daga.....